Z islomov, D. Rahimjonov, J. Najmiddinov

BUDDIZMLIK
8-§
AKTIVLESTIRIW  USHÍN 
SORAW  HÁM  TAPSÍRMALAR
Tariyx páninen alǵan bilimlerińizge tiykarlanıp, tómendegi sorawlarǵa 
juwap  beriń.
1.  Buddizmlik  dini  qashan  hám  qay  jerde  payda  bolǵan?
2.  Búgingi  kúnde  bul  dinge  sıyınıwshılar  sanın  bilesiz  be?
3.  Buddizmlik  dini  tarqalǵan  mámleketlerdi  dúnya  kartasınan  kórsetiń.
4.  Ne  ushın  bul  din  dúnya  dini  delinedi?
5.  Biziń  úlkemizge  buddizmlik  dini  qashan  kirip  kelgen?
6.  Ullı  jipek  jolınıń  buddizmlik  dininiń  tarqalıwındaǵı  ornın  túsindirip 
beriń.
BUDDIZMLIK
Buddizmlik b.e.sh. VI — V ásirlerde Arqa Hindstan-
da  júzege  kelgen  bolsa  da,  kóp  ótpey  shıǵısqa  qaray 
keń  tarqala  basladı.  Ráwiyat  etiliwinshe,  Budda  óli-
minen  soń  onıń  denesi  kúydirilip,  kúli  segiz  buddizm 
jámáátine  jiberildi.  Onıń  kúli  jerlengen  orınlarda  bud-
dizm  stupaları  (gúmbezleri)  qurıldı.
Bul  dinniń  keń  tarqalıwın  soǵan  uqsas  ráwiyat-
lar  menen  túsindiredi.  Tiykarında  bolsa  bul  dinniń 
dúnyaǵa  keń  tarqalıwına  insan  ómiri  menen  baylanıslı 
mashqalalar  sheshimine  tiykarǵı  itibar  qaratılǵanlıǵında 
edi.
Buddizmlik  biziń  eramızdıń  I  ásirinde  Qıtay,  IV 
ásirde,  Koreya,  VI  ásirde  Yaponiya,  VII  ásirde  Tibet, 
XIII ásirden XVI ásirge shekem Mongoliya, XVII ásir-
den  XVIII  ásirge  shekem  Buryatiya  hám  Tuva,  XIX 
— XX ásirlerde Amerika hám Evropa materiklerine ki-
rip  barǵan.
Budda háykeli, 
Qıtay

---

38