Óz betinshe jumıslar ushın tapsırmalar

Tilge kiriw-sóylew.Qabaqları jabılıp ketken Muhammed Pana xan usı waqıtta barıp tilge kirdi.(K.M.Bozataw.86-bet)

Kózden tasa qılıw-jasırıw.Qulman qızdıń saray ámeldarlarınıń kózinen tada bolıwı ushın qala shetindegi kireyge alınǵan úyge alıp barıp qoydı.(K.M.Bozataw.89-bet)

Jegeniń aldında,jemegeniń sońında-barlıǵı jetkilikli.-Jegeniń aldıńda,jemegeniń sońında...Hámme aytqanıńdı isleydi.(K.M.Bozataw.90-bet)

Kúni pitiw-óliw,demi pitiw.-Seni de kúniń pitip turǵan qatın .Basqa heshnárse emesseń.(K.M.Bozataw.90-bet)

Awzınıń suwı qurıw-háwesi keliw.-Quslardıń eń zorı Ústirtte ,dostım-dep awzınıń suwı qurıdı.(K.M.Bozataw.95-bet)

Esi awıw-talıp qalıw.Jáne bası solqıldap awırıp,qabırǵaları shıtnap baratırǵanday boldı da qaytadan esi awıp,tım-tırıs bolıp qaldı.(K.M.Bozataw.97-bet)

Sıyqı qashıw-túri qashıw.Qońıtatqa Atamurat xan nókerleri kelgennen beri bul jerlerdiń de sıyqı qashqan.(K.M.Bozataw.106-bet)

Bir qasıq qanınan keshiw-ólimnen keshiw.-Biz xalıq atınan sizge bir ótinish penen kelgen edik.Egen bir qasıq qanımızdan keshseńiz sol ótinishimizdi aytsaq.(K.M.Bozataw.131-bet)

Aqılınan azıw-jilli bolıw.-Hákim biy aqılınan azıp qalıptı.Oǵan qırq dúrre inam qılıń,Aqılı óz jayına kelsin!.(K.M.Bozataw.132-bet)

Kózi qanasınan shıǵıw-qorqıw.Bayramnıń aldında qorqanınan kózi qanasınan shıǵıp ketken ákesi ólip jatırǵan edi.(K.M.Bozataw.133-bet)

Áliptiń sońına baq-oylap jumıs isle.Asıqpa áliptiń sońına baq degen.-Sońı kesh boladı.(K.M.Bozataw.141-bet)