Yurtim bolajonlari

Bola: Bahor keldi elimizga quvonch to’ldi dilimizga,
Keling qushlar, uching qushlar, bizlar do’stmiz doim sizga.


Bola: Bahorni kutdik juda sog’inchimiz gul bo’ldi.
Qushlar sayragan chog’da qalblar shodlikka to’ldi.


Bahoroy: Endi men sizlarga qushlar xaqida topishmoqlar aytaman.

Kasbi doim taqir-tukur, qayda ilon ko’rsa chuqir. (laylak)

Laylak: Men qushlarga sozanda, soz chalaman azonda.
Dala dashtda yuraman, yoz gashtini suraman.


Bahoroy: Gul ustida usta ashulachi. (bulbul)


Bulbul: Bulbul derlar otimni, surishtirsang otimni
Mittigina qushchaman oshiyonim bog’-chaman
Sizga aytsam ochig’in men go’zallik oshig’i.


Bahoroy: Uyning shiftida uyi, kuylab berar xar kuni,
Bahorda kutib olib ,kuzatamiz kuz kuni (qaldirg’och)


Qaldirg’och: Qaldirg’ochman qaldirg’och, eshigingni tezroq och
Uyga kirib dam olay, so’ng o’zimga in solay
Aslida quruvchiman, pashshani qiruvchiman
Odamlarga kulsa baxt men ham shodman hamma vakt


Bahoroy: Bahorda ochib quchoq, ko’kka soldi arg’imchoq. (turna)


Turna: Men turnaman turnaman, makonim issiq o’lka,
Solib doim argimchok, kur-kur deb o’tamiz,
Tizilishib har safar, bahor bo’lsa kaytamiz.


Bahoroy: Aziz bolajonlar, qushlarni doim avaylab-asrang. Ular hech ham nobud bo’lmasin.
Bola: Qirlaru adirlada, tol novdasida
Ariqlar labida, ko’klarda Navro’z
Engil shabodaning ufirishida.
Qushlar parvozida, dillarda Navro’z!


Bola: Suv shildirashida, yalpiz bargida
Bodom kurtagida erlarda Navro’z!
Tog’larda, bog’larda gul g’unchasida
Bepoyon dalalar, erlarda Navro’z!


Bola: Do’stlar gurungiyu kulgularida,
Qo’shiqlar jarangi raqsida Navro’z!
Momolar duosiyu fotihasida,
Ko’ngil sururida dillarda Navruz!