Юридик техника модулидан оралиқ назорат учун казуслар

Юқоридагиларнинг барчасини юридик ҳужжат деб, қабул қилиш мумкинми? Фикрингизни амалий мисоллар билан асосланг.

8. Тошкент давлат юридик университети талабаси Маржона Асадова “Электрон ҳужжат тушунчаси” бўйича тадқиқот ишини олиб бораётган эди. У тадқиқот иши доирасида жисмоний ва юридик шахслар томонидан Ўзбекистон Республикаси Бош вазирига pm.gov.uz ҳамда Ўзбекистон Республикаси Президентига president.uz сайти орқали мурожаат қилиш имконияти мавжуд эканлигини ўрганиб чиқди.

Бироқ унинг билимлари ва норматив-ҳуқуқий ҳужжатларга кўра, электрон ҳужжатнинг мажбурий реквизитларидан бири электрон рақамли имзо эди. Афсуски жисмоний ва юридик шахслар томонидан онлайн режимда мурожаат қилиш назарий жиҳатдан бир неча саволларни келтириб чиқарар эди. Айниқса мурожаатнинг шакли электрон ёки қоғозда акс этиши масаласи мавҳум қолди.
Электрон ҳужжат тушунчасини ёритган ҳолда жисмоний ва юридик шахсларнинг мурожаатлари қандай юридик ҳужжат шакли эканлигини таҳлил этинг.

9. Тилшунос И.Сайдиева Соғлиқни сақлаш вазирлиги билан норматив-ҳуқуқий ҳужжат лойиҳаларини лингвистик экспертизадан ўтказиш бўйича шартнома имзолади.

Ўн кун давомида тилшунос томонидан норматив-ҳуқуқий ҳужжат лойиҳаси синчковлик билан ўрганилди ва унга хулоса ёзиб берилди.
Вазирликнинг масъул ходими амалга оширилган ишлар бўйича тўловни дарҳол тилшуносга топширди. Орадан бир неча кун ўтгач, И.Сайдиева Соғлиқни сақлаш вазирининг буйруғида кўрсатилган камчиликлар бартараф этилмасдан эълон қилинганлигини билиб қолди.
У дарҳол Адлия вазирлигига мурожаат этиб, буйруқдаги сўз ва сўз бирикмалари нотўғри қўлланилган ҳолатлар ҳамда қисқалик талаблари бўйича қайта линвистик экспертиза тайинлашни, унда ўзи ҳам иштирок этиши лозимлигини билдириб хат йўллади.
Норматив-ҳуқуқий ҳужжат лойиҳаларини лингвистик экспертизадан ўтказишда юридик техник талабларни муҳокама этинг. Вазиятга ҳуқуқий ечим беринг.

10. Қонун ҳужжатларини тизимлаштиришнинг инкорпорация, консолидация ва кодификация каби турлари билан бир қаторда уларни ҳисобга олиш тизими ҳам мавжуд. Қонун ҳужжатларини ҳисобга олиш ҳам уларни тизимлаштиришнинг бир кўриниши бўлиб, бунда улар йиғилади, сақланади, рўйхатга олинади ва уларни тезгина топиш ва назорат ҳолатида ушлаб туриш мақсадида муайян тартибда жойлаштирилади.

Қонун ҳужжатлари тизимлаштирилаётганда унда коррупцион норма борлиги аниқланди. Адлия вазирлиги ходими Мустафоев бу масалани тезда ҳал этиш учун коррупцияга қарши экспертиза ўтказишга илтимоснома тайёрлади.
Коррупцияга қарши экспертиза ўтказишда қўлланиладиган юридик техник талабларни атрофлича муҳокама этинг. Амалий мисоллар билан вазиятга ҳуқуқий ечим беринг.