Yuridik shaxslardan olinadigan mol-mulk solig'ini byudjetga undirish Tartibi va muddatlari

3. yuridik shaxslarning mol-mulkiga solinadigan soliqning soliq bazasini aniqlash tartibi.
Soliq bazasi (SK-412-modda)
Soliq solinadigan baza quyidagilardir:
ko’chmas mulk bo'yicha - o'rtacha yillik qoldiq qiymati. Ko‘chmas mulkning qoldiq qiymati ushbu mol-mulkning boshlang‘ich (tiklanish) qiymati bilan soliq to‘lovchining hisob siyosatida belgilangan usullardan foydalanilgan holda hisoblab chiqilgan amortizatsiya miqdori o‘rtasidagi farq sifatida aniqlanadi.
O‘zbekiston Respublikasining 2021 yil 29 dekabrdagi “O‘zbekiston Respublikasining soliq kodeksiga o‘zgartish va qo‘shimchalar kiritish to‘g‘risida”gi O‘RQ-741-son Qonuni bilan ko‘chmas mulkka nisbatan soliq bazasi 1 kv. metr uchun mutlaq miqdorda belgilangan eng kam miqdori belgilandi.
Soliq bazasini aniqlash tartibi (SK-413-modda)
Soliq solish ob'ektlarining o'rtacha yillik qoldiq qiymati (o'rtacha yillik qiymat) soliq davridagi har bir oyning oxirgi kunidagi holatga ko'ra soliq solish ob'ektlarining qoldiq qiymatlarini (o'rtacha yillik qiymatlarini) qo'shishdan olingan summaning o'n ikkidan bir qismi sifatida ortib boruvchi yakun bilan aniqlanadi.
O‘zbekiston Respublikasi norezidentlarining ko‘chmas mulk ob’ektlari bo‘yicha soliq bazasi mazkur ob’ektlarga bo‘lgan mulk huquqini tasdiqlovchi hujjatlarda ko‘rsatilgan qiymat asosida aniqlanadi.
Soliq bazasi har bir soliq solish ob’ekti bo‘yicha alohida aniqlanadi.
Soliq to‘lovchi tomonidan soliqni to‘lash nazarda tutilmagan faoliyat turlari amalga oshirilgan taqdirda, soliq bazasi soliq solinadigan va soliq solinmaydigan mol-mulk hisobini alohida-alohida yuritish asosida aniqlanadi. Alohida-alohida hisob yuritishning imkoni bo‘lmasa, soliq bazasi soliq to‘lanishi nazarda tutilgan faoliyatdan olinadigan sof tushumning jami sof tushum hajmidagi ulushiga qarab aniqlanadi.


4. Yuridik shaxslarning mol-mulkiga solinadigan soliq va uning o'ziga xos xususiyatlari.
Mol-mulk solig‘i to‘g‘ri soliqlar tarkibiga kiradi va mohiyatiga ko‘ra bu soliq asosiy fondlar shaklidagi resurslarga nisbatan belgilangan soliq hisoblanadi. Mazkur soliq bo‘yicha tushumlar summasi to‘liq mahalliy budjetlarga tushadi va u mahalliy budjetlarning barqaror daromad manbalaridan biri hisoblanadi.
Mol-mulk solig‘ini joriy qilishdan maqsad:
Mahalliy budjetlar daromadlarini shakllantirish
Yuridik shaxslar mol-mulkdan samarali foydalanishni tartibga solish
Yuridik shaxslardagi ortiqcha va foydalanilmayotgan mol-mulklarni hisobdan chiqarish

5.