Юридик масалалар бўйича

Кредит учинчи шахс кафиллиги остида берилганда қўшимча равишда қандай ҳужжатлар талаб қилинади?

Агар кредит бошқа шахс томонидан кафолатланса, кредит йиғмажилдига қуйидаги қўшимча ҳужжатлар киритилади:
кафиллик тўғрисидаги шартнома ёки ёзма кафолат;
аудиторлик ташкилоти ёки аудиторнинг кафолатчининг (кафил) қониқарли молиявий аҳволини тасдиқловчи хулосаси;
шахснинг кафил номидан (кафолатчи) кафолат тўғрисидаги шартномани (мажбуриятни) имзолаш ҳуқуқини тасдиқловчи ҳужжат. (ҳужжат рўйхат рақами 906, 02.03.2000 й.)

25. 
    Жисмоний шахсларга ажратилган ипотека кредитида кредит таъминоти сифатида қандай мулклар қабул қилиниши мумкин?
    

Ўзбекистон Республикаси Вазирлар Маҳкамасининг 2007 йил 3 январдаги 2-сонли Қарори билан тасдиқланган “Уй-жой қурилишига, уни реконструкция қилишга ва сотиб олишга ипотека кредити бериш тўғрисида” низом талабларига мувофиқ, ипотека кредити қурилаётган уй-жойни у жойлашган ер участкаси билан бирга, ипотека кредити ҳисобига сотиб олинадиган ва белгиланган тартибда қарз олувчи мулкига ўтадиган якка тартибдаги уй-жойни ёки кўп квартирали уйдаги квартирани, қарз олувчининг мулки бўлган ва ипотека кредити ҳисобига реконструкция қилинаётган якка тартибдаги уй-жойни гаровга қўйган ҳолда амалга оширилади.

26. 
    Қайси ҳолатда тижорат банклари томонидан банк кафолатларини бериш тақиқланади?
    

“Тижорат банклари томонидан банк кафолатларини бериш тартиби тўғрисида”ги низом (рўййхат рақами 2364, 2012 йил 15 май)га мувофиқ Ўзбекистон Республикасининг банкларга оид қонун ҳужжатларига, шу жумладан, Марказий банк томонидан ўрнатилган иқтисодий меъёрларга риоя этмаётган ҳамда кредит портфелида 6 фоиз ва ундан юқори миқдордаги тўлов муддати ўтган ёки муаммоли активлари мавжуд бўлган тижорат банклари томонидан кафолат бериш тақиқланади.

27. 
    Тижорат банкларнинг кредит сиёсатининг мақсади нима?
    

Ҳар қандай кредит сиёсатининг мақсади одатда қуйидагилардан иборат бўлади: узоқ муддатли инвестициялардан акциядорларга юқори даромад келишини таъминлаш, ликвидликни сақлаб туриш, таваккалчиликни диверсификация қилиш, сиёсат ва тадбирлар бирлигини кафолатлаш, қонунлар ва меъёрий ҳужжатларга риоя қилиш, ҳудуднинг кредитларга бўлган эҳтиёжини қондириш. (Адлия вазирилигида 02.03.2000. № 905. Тижорат банклари кредит сиёсатига нисбатан қўйиладиган талаблар тўғрисидаги Низом).