Юридик масалалар бўйича

Кафолат ва кафилликнинг бир-биридан фарқини айтиб беринг?

Кафиллик шартномаси бўйича ҳар қандай шахс иккинчи шахснинг мажбуриятларини тўлиқ ёки қисман бажариш учун кредитор олдида жавобгарликни ўз зиммасига олади.
Кафолатга биноан банк, бошқа кредит ташкилоти ёки суғурта ташкилоти (кафолатчи) бошқа шахс (принципал) сўрови билан унинг кредитор (бенифициар) олдидаги қарзини кафолатчи томонидан берилган кафолат шартларига мувофиқ бенифициарнинг ёзма талабига асосан тўлаб бериш мажбуриятини олади.
Кафиллик ва кафолатнинг фарқи:
1) Кафилликни ҳар қандай шахс бериши мумкин, Кафолатни банклар, кредит ташкилотлари ва суғурта компаниялари бериши мумкин.
2) Кафиллик ҳақ эвазига ёки текинга берилиши мумкин, Кафолат фақат ҳақ эвазига берилади.
3) Кафиллик мажбурият билан боғлиқ, Кафолат эса кафолат шартида кўрсатилганлигига қарамасдан асосий мажбуриятга боғлиқ бўлмайди.

31. 
    Норматив-ҳуқуқий ҳужжатларнинг ҳуқуқий мақомига кўра қандай турлари мавжуд ва улар қайси органлар томонидан қабул қилинади?
    

“Норматив-ҳуқуқий ҳужжатлар тўғрисида”ги Қонуннинг 5-моддасига кўра норматив-ҳуқуқий ҳужжатларнинг қуйидаги турлари мавжуд:
а) Ўзбекистон Республикаси Конституцияси;
б) Ўзбекистон Республикасининг қонунлари;
в) Ўзбекистон Республикаси Олий Мажлиси палаталарининг қарорлари;
г) Ўзбекистон Республикаси Президентининг фармонлари;
д) Ўзбекистон Республикаси Вазирлар Маҳкамасининг қарорлари;
е) вазирликлар, давлат қўмиталари ва идораларининг ҳужжатлари;
ж) Маҳаллий давлат ҳокимияти органларининг қарорлари.
Ушбу Қонуннинг 4-моддасига асосан Ўзбекистон Республикаси Олий Мажлисининг палаталари, Ўзбекистон Республикасининг Президенти, Ўзбекистон Республикаси Вазирлар Маҳкамаси, вазирликлар, давлат қўмиталари ва идоралари, маҳаллий давлат ҳокимияти органлари норматив-ҳуқуқий ҳужжатларни қабул қилувчи органлар ёки мансабдор шахслар ҳисобланадилар.

32.