Юридик масалалар бўйича

Доимий бўлмаган мажбуриятлар нима?

Исталган вақтда банкдан чиқиб кетиши эҳтимоли юқори бўлган йирик депозитлар ёки йирик қарзлар.

20. 
    Банклар мажбуриятларининг ўз вақтида ва тўлиқ бажарилишини таъминлаш мақсадида қайси пруденциал меъёрларни бажаришлари лозим?
    

Банклар мажбуриятларининг ўз вақтида ва тўлиқ бажарилишини таъминлаш мақсадида лаҳзали ликвидлилик, ликвидлиликни қоплаш, соф барқарор молиялаштириш ва юқори ликвидли активларининг жами активлардаги улушига ўрнатилган меъёрларни бажаришлари лозим.

21. 
    Лаҳзали ликвидлилик коэффициенти қайси валютада ҳисобланади ва унга ўрнатилган энг кам меъёр қанча?
    

Лаҳзали ликвидлилик коэффициентини ҳисоблашда фақат Ўзбекистон Республикаси миллий валютасидаги маблағлар инобатга олинади. Лаҳзали ликвидлилик коэффициенти 25 фоиздан кам бўлмаслиги лозим.
ЮРИДИК САВОЛЛАРИ

1. 
   Ўзбекистон Республикасининг Конституцияси ҳақида нималарни биласиз? Конституцияда банк фаолиятига доир қандай қоидалар мустаҳкамланган?
   

Ўзбекистон Республикасининг Конституцияси 1992 йил 8 декабрь куни Ўзбекистон Республикаси Олий Кенгашининг ўн иккинчи чақириқ ўн биринчи сессиясида қабул қилинган. Шунингдек, Олий Кенгаш қарори билан 8 декабрь умумхалқ байрами деб эълон қилинган.
Конституция: Муқаддима, 6 та бўлим, 26 та боб ва 128 та моддадан иборат. Конституцияга ҳозирги кунга қадар жами 6 марта ўзгартириш киритилган.
Конституция Асосий қонун сифатида давлатимиз суверинетети ва мустақиллиги асосларини, мамлакатимиз иқтисодий, сиёсий, ижтимоий ва маданий ҳаётининг барча соҳаларини тартибга солувчи энг муҳим қоидаларни белгилайди. Давлатимизда барча қонунчилик ҳужжатлари Конституция асосида ва унга тўлиқ риоя қилинган ҳолда қабул қилинади.
Ўзбекистон Республикаси Конституциясининг 22-моддасида Ўзбекистон Республикаси ўз молия ва пул-кредит тизимига эгалиги, 36-моддасида банкка қўйилган омонатлар сир тутилиши қонун билан кафолатланиши ва 124-моддасида Ўзбекистон Республикасининг банк тизимини Республика Марказий банки бошқариши белгиланган.

2. 
   “Банклар ва банк фаолияти тўғрисида”ги Қонунга асосан банк тушунчасига таъриф беринг?
   

Банк ҳисобварақларини очиш ва юритиш, тўловларни амалга ошириш, омонатларга (депозитларга) пул маблағларини жалб этиш, ўз номидан кредитлар бериш бўйича банк фаолияти сифатида аниқланган операциялар мажмуини амалга оширувчи тижорат ташкилоти бўлган юридик шахс.

3.