Юрак-ўпка ва мия реанимацияси

Ќон айланиши тўхтаган беморларда юрак-ўпка ва мия ренимацияси.
Ўлим – бу организм хаёт фаолиятининг сўниш жараёни бўлиб, у хаётнинг ўлимга сифатий ўтишигина бўлиб ќолмай, балки организм аъзо ва тизимлари фаолиятининг кетма-кет бузилиши натижасида уларнинг тўхташи билан якунланади. Айнан шу холат, яъни организм фаолиятининг кетма-кет ва аста-секин тўхташи, реанимацион чора-тадбирлар натижасида инсонни хаётга ќайтаришга имкон беради.
Ўлим хаётнинг типик эпизоди ћисобланиб, ундан ўлиш жараёни билан ажралган. Ўлиш бу ваќт ўтиши мобайнида содир бўладиган жараёндир. Баъзан ўлиш жараёни тез юзага келади ва бир неча ўн сонияларгача давом этади, гоћида эса соатлар мобайнида ва хатто кунлар мобайнида юзага келади.
Ўлиш жараёнида иккита босќични фарќлаш мумкин:
Биринчи босќич – бу «функционал активликнинг сўниш давридир». Бу вактгача организмда олдиндан белгиланган йўллардан ва маълум бир йўналишгача тезлик билан кечиш хусусиятига эга булган жараёнлар, энди бу холатда эса бошкача тезлик билан кечади, яьни нормага нисбатан бошка йўллар билан кечиб ўлиш жараёнини секин-аста авж олишини келтириб чикаради.
Терапевтик таъсир килиш имконияти секин-аста камайиб боради, шу билан бирга ушбу организмдаги нормал физиологик йўллар билан кечаётган жараёнлар интенсивлиги шунчалик пасайиб кетадики, натижада маълум бир вактга келиб хаётий функциялар белгилари аниќланмай ќолади, яъни тизимлар фаолияти батамом тўхтайди. Шунинг учун ўлиш жараёнининг бу даврини «аъзолар фаолиятининг йўќолиш даври» дейилади. У преагонал ва агонал даврига мос келади. Бу холатни нафакат врачлар, балки тиб илмидан бехабар оддий одамлар ћам аниќлай олади. Шундай ќилиб нафас олиш харакатларининг тўхташи ва магистрал артерияларда пульсациянинг аниќланмаслиги клиник ўлим бошланганлигидан далолат беради.
Клиник ўлим - бу тириклик ва ўлим ўртасидаги ўзига хос ўтиш босќичидир. Клиник ўлим марказий асаб, ќон айланиш ва нафас олиш системаси фаолиятининг тўхташи билан бошланади ва тўќималар, биринчи навбатда бош мияда кайтариб бўлмас ўзгаришлар юзага келгунча давом этади. Ќайтмас ўзгаришлар пайдо бўлган ваќтдан бошлаб хаќиќий ёки биологик ўлим юзага келади. Шундай ќилиб клиник ўлим, ўлиш жараёнининг ќайтар давридир. Клиник ўлим давомийлигини хар бир алохида холатларда олдиндан билиш мумкин эмас, чунки у организмнинг дастлабки холатига боѓлиќдир. Клиник ўлим юзага келгунча узоќ ваќт гипоксияда бўлган организмда масалан, узоќ ваќт давом этиб метаболик ресурслар камайиб кетишига олиб келган агонияда ќайтмас ўзгаришлар тез юзага келади ва клиник ўлим давомийлиги ќисќаради. Аксинча агар умумий ахволи ќоникарли ёки яхши бўлган организмда бирданига ќон айланиш тўхташи юзага келса масалан, ќоринчалар фибрилляциясида клиник ўлим давомийлиги узаяди. Оддий шароитларда одамда клиник ўлим 4-7 минут давом этади деб ќабул ќилинган. Гипотермия холатида клиник ўлим давомийлиги 1 соатгача давом этиши мумкин, чунки бунда метаболизм ва организмнинг кислородга бўлган талаби жуда хам пасайиб кетади.
Клиник ўлим ваќтида ќон айланиш ва нафас олиш тўхтайди тўлиќ арефлексия кузатилади, лекин пасайган даражада бўлса ћам модда алмашинуви жараёни давом этаверади. Кислород келиши тўхтаганлиги учун модда алмшинуви анаэроб гликолиз йўли билан давом этади, ќайсики асаб хужайраларининг минимал фаоллигини таъминлайди. Аста-секин бош мияда гликоген заћираси тугайди, аденозинтрифосфат кислотаси (АТФ) миќдори кескин даражада пасйиб кетади ва асаб тўќимаси ўлади. Шуни айтиб ўтиш лозимки, клиник ўлим даврида юракнинг биоэлектрик активлиги (ќоринчалар комплексининг атипик шаклида) унинг ќисќариш фаолияти давом этаётганлигидан далолат бермайди. Клиник ўлим констатация ќилиниши учун ќон айланишининг тўхташи аниќ манба ћисобланади.
Клиник ўлимнинг симптоматикаси турли хилдир, лекин бу ќайтар холатнинг ќисќа муддат давом этганлиги учун барча турини ёки кўп симптомларини аниќлаш шарт эмас, чунки ќон айланишининг тўхташи асосида клиник ўлим ривожланди деб ћулоса ќилиш мумкин.
Реаниматология фанининг ривожланиши ќон айланиши тўхташининг диагностикасида 3 та асосий симптомлар тафовутланишини белгилаб берди.

1. 
   Йирик марказий томирларда пульсациянинг йўќлиги.
   

Пульсацияни уйќу артерияларида аниќлаш, яъни бўйин умуртќаларининг олдинги-ён юзасига артерияларни босиш йўли билан аниќланади, ёки сон артерияларида аниќлаш мумкин, яъни сон суягининг бошчасига босиб кўриш йўли билан аниќланади. Шу йирик марказий томирларда пульсациянинг аниќланмаслиги энг ишончли манба бўлганлиги учун ќон айланишининг тўхтаганлигидан далолат беради.
II. Кенгайган ќорачиќнинг ёруѓликка реакциясининг бўлмаслиги.
Ќорачиќнинг паралитик кенгайиши ќон айланиши тўхтаганидан 15-20 сония ўтганидан сўнг ривожланади. Фотореакциянинг бўлмаслиги марказий асаб тизимининг фаолияти йўќлигидан далолат беради. Шу симптомлар ќон айланишининг тўхтаганлигидан далолат берувчи белгиларидир.

3. 
   Спонтан нафас олишнинг бўлмаслиги.
   

Юќорида санаб ўтилган симптомларга ќўшимча равишда шу симптом кузатилса клиник ўлим юзага келганлиги аниќ бўлади.
Бу асосий симптомларни аниќлаш унчалик ќийинчилик туѓдирмайди ва узоќ ваќт талаб этмайди, шунинг учун тезликда максимал даражада реанимацион ёрдам кўрсатишга имконият бўлади.
1985 йилда Америка кардиологлари ассоциациясининг конференциясида реанимацион чора-тадбирлардан ижобий натижа олиш учун тўртта омил асосий аћамият касб этиши аниќланган.
-ваќт
-дефибрилляция
-фармакотерапия + адреналинни ќўллаш
-эрта сунъий нафас бериш ва юрак массажини ќўллаш
Ќолган омиллар – юрак мушагининг холати, ќон айланиш ва нафас олишнинг тўхташи сабаблари ћам мућим аћамият касб этади, бироќ уларни аниќлаш учун ваќт талаб этилади.
Ваќт омили - бу энг критик кўрсаткичдир, чунки ќон айланишининг бехосдан тўхташи 40-65% холларда шифохонадан ташќарида рўй беради ва шунинг учун малакали тиббий ёрдам жуда кеч кўрсатилади. Асосий реанимацион чора тадбирларни ќўллаш, яъни сунъий нафас бериш ва юракни билвосита массаж ќилиш катта аћамият касб этади. Атрофдаги тез тиббий ёрдам кўрсатишдан хабардор шахсларнинг биринчи 2 минут ичида тез реанимацион чора-тадбирларни ќўллаши натижасида 21%, 3-4 минутдан сўнг 11,7%, 6 минутдан сўнг эса 4% беморларни клиник ўлим холатидан чиќариш мумкин бўлади.
Бошќа авторларнинг фикрича юќоридаги шароитларда 32% гача беморларни ќутќариб ќолиш мумкин.
Юќорида санаб ўтилганларни ћисобга олиб ќуйидаги хулосаларга келиш мумукин:
-барча мутахассисликдаги шифокорлар, тиббий хамширалар, медтехниклар ва соѓликни саќлашнинг бошќа хизматчилари, харбийлар, ўт ўчирувчилар ва харбийлаштирилган муассасалар ходимлари мустаќил реанимацион чора-тадбирларни ќўллашни сўссиз билишлари шарт ва катта ахоли ижтимоий гурухлари орасида (ёшлар уюшмалари, ўќувчилар, талабалар, транспорт ходимлари ва б.) ўќитиш ишларинии олиб бориш керак;
-тўсатдан ќон айланиши тўхташи хавфи юќори бўлган беморларнинг госпитализациясини тезлаштириш, асосан миокард инфаркти бўлган беморларни. Маълумки, миокард инфаркти юзага келган беморларда биринчи соатларида 17% холларда шифохона шароитларида осонликча бартараф ќилиш мумкин бўлган ќоринчалар ћилпиллаши кузатилади;
-тез ёрдам машиналарини эффектив реанимацион ёрдам кўрсатишга имкон берадиган ускуналар, хусусан дефибрилляторлар билан жихозлаш лозим.
Электродефибрилляция. Кўпчилик олимларнинг фикрича 73-84% холлларда шифохонагача бўлган даврда ќон айланиши тўхташининг сабаби юрак ќоринчалари хилпиллаши хисобланади. Ќоринчалар хилпиллашида 99% эффектив реанимация дефибрилляция туфайли амалга ошиши аниќланган. Ќанчалик эрта дефибрилляция ќилинса шунчалик яхши натижалар олинади, чунончи биринчи минутларда ќилинса унинг эффективлиги 100% гача етади. Дефибрилляция эффективлигини белгиловчи омиллар: импульс энергияси, электродлар юзаси ва холати, уларнинг терига ќанчалик куч билан босилиши ћамда тери билан электрод орасидаги гелнинг сифатига, шунингдек кўкрак ќафасининг, унинг тузилиши, тана массаси, ўпка эмфиземаси, нафас фазасига боѓлиќ бўлган импеданси.
200 Дж дан бошлаб кетма-кет импульсларнинг берилиши, ќоринчалар дефибрилляциясида юрак мушакларини шикастлантирмаслик учун оптимал шароит яратиб беради. 200 Джлик импульс кам салбий таъсирга эга бўлиб, 70% холларда дефибрилляция эффективлигини таъминлайди. Агар у эффект бермаса импульс энергияси 300 Дж, сўнгра 360-400 Дж. гача оширилади. Клиник ўлим холатида бўлган беморларда диагностик ЭКГ ќилишнинг имконияти бўлмаган холатларда ва юрак соћасига кучли зарба (прекордиал зарба) бериш билан бошланган реанимация эффектсиз бўлса, асистолияга нисбатан ќоринчалар ћилпиллаши 4 марта кўп учрашини ћисобга олиб ритм бузилиш турини аниќламай туриб ћам (кўр-кўрона) дефибрилляцион ипмульс берилиши тавсия этилади. Бу холатларда реанимация муваффаќиятини фаќат электродефибрилляция белгилайди.
Агар электродлар типик ќўйилган (ўнгда, ўмров суягидан пастда, тўш суяги юќори ќисми сохасида ва чапда, ўрта ўмров чизиѓи бўйлаб, VI ќовурѓалар орасида) холатларда дефибрилляция самарасиз бўлса электродлар жойлашувини ўзгартириш мумкин, яъни юрак сохасига, тўш суяги устига ћамда орќада курак суяклари ораси сохасига.
Дефибрилляция ўтказиш учун аввал дефибриллятор зарядланиши керак. Шундан сўнг электордларга махсус гель суртилиб бошланѓич 200 Джлик заряд билан дефибрилляция ќилинади. Бу ваќтда хамма электр токи билан ишловчи асбоб-ускуналар ўчирилиши шарт ва бемор танасига хеч ким тегиб турмаслиги лозим, акс холда заряд бемор орќали ушбу тегиб турган шахсга ўтиб кетиши мумкин, бунинг оќибати эса ачинарли ахвол билан тугаши мумкин. Агар бошланѓич 200 Джлик импульс ёрдам бермаса, дефибриллятор ќайта зарядланади, бу ваќт ичида билвосита юрак массажи ва СЎВ давом эттирилади. Сўнгра 300 Дж импульс берилади,агар у ћам ёрдам бермаса, максимал 360 Джлик заряд берилади. Хар заряд бериш орасида билвосита юрак массажи, сунъий нафас бериш давом эттирилади, миокард тонусини ошириш, майда тўлќинли фибрилляцияларни катта тўлќинлигига ўтказиш учун томир ичига адреналин 0,1% ли 1 мл дан ќилинади. Ёш болаларда эса ёшига ќараб дефибрилляцион заряд кучи белгиланади.

Бемор ёши тана тузилишига боѓлиќ холда дефибриляцион заряд кучини белгилаш

Бемор ёши ва тана тузилиши	Дефибрилляцияловчи заряд кучи
	Кучланиш кВ	Энергия Дж
Катталар: -астеник конституция	3,0-4,0	100-150
-ўрта тана тузилишли	3,5-4,5	120-180
-гиперстеник конституция	4,5-5,5	180-250
-юрак гипертрофиясида	4,5-5,5	180-250
Болаларда: -1 ёшгача	0,5-1,0	10-25
-1-3 ёшгача	1,0-1,5	25-40
-4-7 ёшгача	1,25-2,0	20-50
-8-12 ёшгача	2,0-3,5	40-50
-13-16 ёшгача	2,5-3,5	50-120

Дефибрилляция ўтказиш ваќтида ЭКГ мониторингни йўлга ќўйиш маќсадга мувофиќдир, чунки эффектив юрак фаолияти тиклангандан сўнг маълум ваќт ўтганидан сўнг баъзан бир неча кундан кейин ћам ќоринчалар фибрилляцияси ќайталаниши (рецидивланиши), кузатилиши мумкин.

Дефибрилляцияни неча марта ўтказиш ћаќида маълум бир фикрга келинган эмас, баъзи авторларнинг ёзишича 24 марта кетма-кет дефибрилляция ўтказилгандан сўнг юрак ритми тикланган, шунинг учун то юрак ритми тиклангунча дефибрилляция ўтказиш тавсия этилади.
Дефибрилляция ўтказиш ваќтида йўл ќўйиладиган энг кўп хатолар ќуйидагилар:
-дефибрилляторни тайёрлаш ваќтида юрак массажини ўтказилмаслиги ёки массаж ўтказишда узоќ ваќт тўхталишлар ќилиниши;
-электродларни терига тўлиќ босилмаслиги ёки уларни яхши намламаслик (гель суртмаслик);
-олдиндан медикаментоз тайёргарликсиз, яъни миокард тонуси, энергетик ресурсини оширмай туриб III-IV даражали фибрилляцияларда заряд берилиши;
-ўта юќори (400 Дж дан ортиќ), ёки ўта кам кучли заряд берилиши.
Агар беморларда турѓун асистолия ёки брадикардия бўлса унда сунъий ритм бошќарувчиси кардиостимулятор ќўйилади. Унинг хар хил турлари бўлиб энг замонавийлари катталиги 5 тийинлик тангадай келади ва бир неча ўн йиллар тўхтамай ишлайди.
Ћаёт фаолиятини таъминловчи асосий усуллар. Реанимация тамойиллари.
Бутун дунёда реаниматология амалиётида тўпланган тажрибаларни хисобга олиб, хозирги даврда ABCD тизимида реанимацион чора тадбирларни ўтказиш маќсадга мувофиќдир. Бу лотин алфавитини харфлари бўлиб, ќуйидагича талќин этилади:

1. 
   A –Air way open-нафас йўлларини очиш (ўтказувчанлигини таъминлаш).
   
2. 
   B –breathing –нафас бериш (сунъий нафас «оѓиздан –оѓизга», «оѓиздан -бурунга»).
   
3. 
   C –circulation of the blood –ќон айланишини таъминлаш (юрак массажи).
   
4. 
   D –drugs therapy or defibrillation –медикаментоз даво ёки дефибрилляция.