Ю. И. АҲмадалиев

Сохта этимология – бошқа тилдан ўтган ёки (субстрат) номнинг хато 
равишда бутунлай бошқа бир маъно олиши: Улуғ наҳр – “катта ариқ” 
гидроними Улуғнор – “катта туя” шаклини олган. 
Топоним, географик ном (юнонча topos – жой, макон, onima – ном, 
исм) – ҳар қандай географик объектнинг атоқли оти, номи, жумладан, 
гидроним, ойконим, ороним, урбаноним, агрооним ва бошқалар. 
Топонимик калька (французча kalqua – калька қоғоз) – номнинг 
мазмунига халал етказмасдан айнан таржима қилиниши, масалан, Иккисув 
ораси – Миёнрудон, Қорасув – Сиёб (Сиёҳоб), Қизилсув – Сурхоб, 
Қизилтепа – Сурхтепа. 
Топонимик модел (топомодель) – топонимларнинг ҳосил бўлиш 
формуласи, масалан: от+от, от+феьл, от+суффикс. 
Топонимик муҳит (топонимик ландшафт, топонимик контекст) – 
маълум ҳудудда турли даврларда турли халқлар томонидан яратилган 
топонимлар мажмуи.  

---

131 
Топонимик негиз (топонегиз) – топонимик лексиканинг форматсиз 
қисми: Олма-лиқ, Мачит-ли, Андижон-лик, Дегрез-лик, Мисгар-лик. 
Топонимика – ономастиканинг топонимлар, уларнинг вужудга 
келиши, тараққиёт қонунларини, амал қилинишини ўрганадиган бўлими. 
Топоформант – қар. Формант. 
Транскрипция, географик номлар транскрипцияси (лотинча trascriptio 
– кўчириб ёзиш) – бошқа тилдаги географик номлар (фонемаларни) ўз 
тилидаги графемалар (ҳарфлар) билан ифодалаш, ёзиш. 
Урбаноним (лотинча urbanus – шаҳар) – топонимнинг бир тури, шаҳар 
ичидаги майдон, кўча, бозор каби объект номи. 
Фитоним (юнонча fitos – ўсимлик) – ҳар қандай ўсимликнинг атоқли 
оти: Мингчинор, Чилгижийда, Яккатут.