Yoshlarga e'tibor-kelajakka e'tibor

Yoshlarga e'tibor-kelajakka e'tibor
“Yoshlik – umrning eng bebaho davri. Ilm o‘tda
yonmaydigan, suvda cho'kmaydigan, hech kim
sizdan tortib ololmaydigan boylik ekanini aslo
unutmang!"
Shavkat Mirziyoyev
Mamlakatimizning kelajagi boʻlmish yoshlarimizni har tomonlama yetuk, bilimli, salohiyatli shaxs, komil inson sifatida tarbiyalash masalasiga bugungi kunda oʻziga xos tarzda, zamonaviy usullar asosida yondashilmoqda. Mamlakatimiz aholisining qariyb 64 foizini yoshlar tashkil etadi. Yoshlar barcha davrlarda jamiyatning faol qatlami sifatida eʼtirof etib kelingan. Mamlakatimizning jahon maydonidagi nufuzini oshirish ko‘p jihatdan yoshlarning intellektual va ijodiy salohiyatini yuksaltirishga bog‘liq. Shu sababli iqtidorli yigit-qizlarni aniqlash va rag‘batlantirishga, yosh avlodning zamonaviy dunyoqarashini, ijodiy va shaxsiy xususiyatlarini milliy va umuminsoniy qadriyatlar asosida shakllantirishga alohida e’tibor qaratilmoqda. Mazkur imkoniyatlardan oqilona foydalanayotgan ertamiz egalari o‘z iste’dod va salohiyatini to‘la namoyon etib, yuksak natijalarga erishmoqda. Xususan fakultetimizda ham talabalarning ma'naviyatini yuksaltirish, ularning bo'sh vaqtini mazmunli tashkil etish maqsadida Kimyo fanidan onlayn olimpiada tashkil etilgan edi. Yakuniy natijalarga ko'ra I o'rinni Ataniyazova Amina, II o'rinni Kurbanbaeva Dildora, III o'rinni esa Atadjanova Yulduzay qo'lga kiritishga muvaffaq bo'lishdilar. Sovrindorlarni va ularning ilmiy rahbarlarini qo'lga kiritgan yutuqlari bilan chin dildan tabriklaymiz va kelgusidagi o'qishlarida, ilmiy ishlarida muvaffaqiyatlar tilab qolamiz.

Kimyo-texnologiya fakulteti
3-kurs talabasi
Atadjanova Yulduzay