Yoshlar ma’naviyatini tarbiyalashdagi asosiy omillar

YOSHLAR MA’NAVIYATINI TARBIYALASHDAGI ASOSIY OMILLAR

Amirov X.-NMPI Pedagogika fakulteti talabasi

Ilmiy rahbar: Allayorov M.- NMPI Pedagogika kafedirasi katta o’qituvchisi

Yuksak ma’naviyatli yoshlarni tarbiyalash va ularni ma’naviy barkamoligini shakllantirish bugungi kunning dolzarb masalalaridan biri ekanligi hech kimga sir emas. Chunki har qaysi millat va xalqning ma’naviyati uning bugungi hayoti va taqdiri, o’sib kelayotgan farzandlarining kelajagini belgilashda hal qiluvchi ahamiyat kasb etadi. Xalqimiz milliy taraqqiyot, faravonlik sari intilar ekan, o’z o’tmishiga ziyrak nigoh bilan qarashi, bir lahza ham hushyorlikni qo’ldan bermasligi, ta’lim-tarbiyada ma’naviy bo’shliqqa yo’l qo’ymasligi lozim. Yovuz niyatli kuchlar bugungi globallashuv zamonida o’zga bir xalq, millat ma’naviyatiga qarshi kurash boshlar ekan, bir qarashda zararsiz ko’rinadigan internet, radio va televideniya imkoniyatlaridan, ommaviy axborot vositalaridan g’oyatda unumli foydalanib, bunda asosiy kuch va imkoniyatlar yosh avlod ongi va qalbiga ta’sir o’tkazish, ularni to’g’ri yo’ldan adashtirishga qaratmoqda. Bunday jarayonlarga qarshi yosh avlodda bunyotkorlik g’oyalarini shaklantirish, ularni ilmiy dunyoqarashini kengaytirish, turli mafkuraviy xurujlarga o’z fikri bilan qarshi tura olish qobiliyatini tarbiyalash, ma’naviyatini yuksaltirishning muhim ommillarini his qilib ularga tayanishimiz zamon talabidir. Yoshlar ma’naviyatini shakllantirishda omillar va vositalar ko’p bo’lishiga qaramay, ularning eng muhimlari sifatida quydagilarni ta’kidlab o’tishni joiz topdik.