Yosh tengdoshlar

Faol usullar qanday qo‘llaniladi? 
-
O‘yin tavsifini bilish yetarli emas, notanish o‘yinni guruhga tavsiya etishdan avval uni 
yaqinlar bilan “o‘ynab ko‘rish kerak”. 
-
O‘yin yoki mashq tavsifida ishtirokchilarning harakat tartibi aks ettiriladi. O‘yin shartlarini esa 
trenerning o‘zi aniq, lo‘nda qilib tushuntirishi kerak. Ish usulini tanlashda trener o‘zidan 

---

15 
“Nima uchun men aynan shu usulni tanlayapman?” deb so‘rashi kerak. Agar aniq javob 
topilmasa, bu usulni tanlash shart emas. 
Tadbir samaradorligining yagona haqiqiy ko‘rsatkichi – ishtirokchilarda hosil bo‘ladigan ichki 
uyg‘unlik, qulaylik tuyg‘usi, ishni davom ettirish va yana birga uchrashish istagi, o‘zaro iliq 
munosabatlar shakllantirishdan iborat. 
-
Trenerning o‘ziga xos “vaqtni sezish” tuyg‘usi, tadbirni qulay tezlikda olib borishga intilishi 
tinglovchilarning ichki qulayligini ta’minlaydi.
Maslahatlar ro‘yxatini davom ettirish mumkin edi, lekin biz nima qilishimizdan qat’iy 
nazar, asosiy narsani yodda saqlashimiz shart: biz ta’lim oluvchi yoshlar UCHUN va ular bilan 
BIRGA ishlayapmiz. Nimanidir o‘rganish va birga bajarish uchun o‘z xohishi bilan kelgan trening 
ishtirokchilarimiz – o‘z hayotiy tajribasiga ega bo‘lgan mustaqil insonlar. Ular qandaydir 
maqsadga intilyaptilar. Ular o‘zlari, shaxsiy hayotlari, atrof-muhitlarini yaxshilash uchun 
nimanidir o‘rganmoqchilar. 
Demak, tengdoshlaringizning fikrlari boshqalar uchun muhim va qadrli ekanligini, guruhda 
xavfsiz muhit mavjudligini, bu yerda samimiy bo‘lish, bir-biriga ishonish mumkinligini his 
etishlari juda muhimdir. Yaxshilik va samimiylik, hazil-mutoyiba har bir treningning unutilmas va 
ishtirokchilarning hamfikr bo‘lishlariga yordam beradi.