Yosh tengdoshlar

Maqsadga erishishning yetti qadami. Mini-ma’ruza (15 daqiqa) 
 
Ishtirokchilarga quyidagi matnni tarqating hamda ishtirokchilardan uni diqqat bilan o‘qib 
chiqishlarini so‘rang
. 
Maqsadga erishishning yetti qadami
1-qadam. Aniq maqsadga ega bo‘ling va nimani xohlashingizni bilib oling: Unutmang! 
O‘zi nimani xohlashini biladigan insonlar yer yuzini 10%nigina tashkil etadi va aynan ular yer 
yuzidagi eng muvaffaqiyatli odamlardir. 
2-qadam. Maqsadingizni rejalashtiring va barchasini qog‘ozga tushiring. Barcha sizga 
qo‘yilgan topshiriqlarni ham yozib qo‘yish foydali. Yodda tuting! Yozish millionerlar qoidasidir. 
Yer yuzining 3% aholisi rejalarini yozma tarzda tuzishadi va unga amal qilishadi. Ayni o‘sha 3% 

---

78 
insonlar yer yuzining eng muvaffaqiyatli insonlaridir. Rejalashtirish va yozish sizni yer yuzining 
eng mufaffaqiyatli 3% insonlari qatoriga qo‘shadi. 
3-qadam. Vaqt chegarasini (ya’ni rejani amalga oshirilishi va tugashi sanasini oldindan) 
belgilang. Bu butun tanangizni va ongingizni belgilangan sanagacha kuchli ishchanlik holatiga 
sozlaydi (bu xuddi g‘ayrat-shijoat rejimini yoqishga o‘xshaydi). Agar belgilangan vaqtgacha 
ulgurmasangiz, o‘zingizni haddan ziyod zo‘riqtirmang, shunchaki yangi vaqt chegarasini 
belgilang, vassalom! Shuni tushunib olingki, noreal maqsad bo‘lmaydi, maqsad amalga oshishi 
uchun qo‘yilgan noreal vaqt chegarasi bo‘lishi mumkin. 
4- qadam. Maqsad katta bo‘lsa – uni bo‘laklang. Mahobatli imoratlar ham bitta-bitta 
g‘isht (kichik-kichik bo‘laklar)dan bunyod etilganidek, maqsadingizni kichik-kichik topshiriqlarga 
bo‘lib amalga oshiring. Shunda ishingiz yengillashadi, charchash hamda stress sizga umuman 
begona bo‘ladi. 7 ta 7 = 49 usulidan foydalaning. Bunda maqsadingizga olib borish yo‘lini 7 ta 
qismga ajratasiz, shundan so‘ng, har bir qismni 7 tadan kichik-kichik topshiriqlarga ajratib 
olasiz. Shunda sizda 49 qadam uzoqlikda joylashgan maqsad kutadi. Agar dangasalik qilmasdan 
barchasini 1 varaq qog‘ozga yozib qo‘ysangiz 1-qadamni qo‘ygan bo‘lasiz. Endi sizda 48 qadam 
qoladi… Ishonamizki, bu qo‘lingizdan keladi, chunki shu paytgacha dunyoda bu usul samarasini 2 
millionga yaqin odam o‘zida sinab ko‘rgan. 
5-qadam. Barcha ishlaringizni muhim, shoshilinch, muhim emas, shoshilinch emas 
prinsiplariga ko‘ra rejalashtiring. Bu foydali ish koeffitsentingizni 2 barobar oshiradi.
6-qadam. Zudlik bilan ishga kirishing. Bugungi ishni ertaga qoldirmang – “qolgan ishga 
qor yog‘ar” deydi dono xalqimiz. Sizga biroz achchiq, biroq haqiqatga to‘la hazil qilamiz: 
dangasalik qilib, bugungi ishni ertaga qoldirgandan ko‘ra, o‘sha ishingizni kechagi kunga 
qoldiring, shunda u sizni boshqa bezovta qilmaydi… Omadning kaliti bu – impuls qonunidir.
Maqsad sari harakat boshlab olinsa bo‘ldi, qolgani huddi o‘z o‘zidan amalga oshib 
ketayotgandek bo‘ladi. Bu fizikadagi impuls qonunidir, og‘ir sharni joyidan qo‘zgatib olish qiyin 
bo‘lishi mumkin, lekin uni yumalatib borish yengil kechadi. Impuls qonuni ishga tushgach, inson 
matonatli va sabrli bo‘lishi talab etiladi. 
7-qadam. O‘zingizga o‘zingiz ushbu va’dani bering va uni ustidan chiqing: “Men har kuni 
maqsadimga erishish uchun nimadir qilaman!” “Toma-toma ko‘l bo‘lur” deydi dono xalqimiz. 
Har kuni biror kichkina bo‘lsada ish, faoliyat ko‘rsatingki, bu sizni maqsadingizga 1 santimetr 
bo‘lsada yaqinlashtirsin, u ixtiyoriy narsa, ish, topshiriq va hokazo bo‘lishi mumkin, muhimi 
maqsadingizga qaratilgan bo‘lsin. Shu kichik-kichik ishlar kuni kelib sizga o‘zining “syurpiz”ini 
hadya etadi. Tomlab kitoblar, o‘lmas shox asarlar, dunyo mo‘jizalari ham shu tarzda vujudga 
keltirilgandir!
Berilgan tarqatma material guruhda muhokama qilinadi, material bo‘yicha taasurotlar 
eshitiladi.