“Kvadratlar” mashqi (20 daqiqa)
Maqsad:
Ishtirokchilarga barcha odamlarda o‘z shaxsiy sohasiga “yaqinlashtirish
darajasi” turlicha bo‘lishi haqida fikr uyg‘otish va ba’zi sog‘liqqa tegishli (masalan, reproduktiv
51
salomatlik va OITS/OIV haqida gaplashganda) shaxsiy qarashlarni e’tiborga olish va hurmat
qilish kerakligi muhimligini shakllantirish.
Jihozlar
•
Har bir ishtirokchi uchun marker.
•
Ilovada keltirilgan kontsentrik kvadrat tasvirlangan varaq.
Jarayon
Har bir ishtirokchiga kvadratlar tasviri va markerlar tarqating va yozishga
tayyorlanishlarini ayting. Flipp-chartda tasvirlangan kontsentrik kvadratni ko‘rsating.
Tushuntiring:
–
Hozir men ta’kidlarni o‘qiyman. Siz bu holat haqida kim bilan bo‘lisha olishingizni
qo‘lingizdagi kvadratda keltirilgan mos joyga belgilashingiz kerak bo‘ladi. Avvaliga siz o‘ylab
ko‘ring, kvadratlardagi insonlar kim? Masalan, tanish deganda siz taniydigan va muloqot qilgan
va balki hozir ham gaplashib turadigan insonga aytiladi. Do‘stingiz kim? Yaqiningizchi? Mashqni
hamma individual bajaradi va guruh oldida o‘qib bermaydi. Siz o‘qib berilayotgan savollar
javobini birorta ramzlar yordamida belgilashingiz mumkin. Keling, savollarni o‘qishni
boshlayman.
–
Siz o‘z bo‘yingizning o‘lchami haqida kim bilan bo‘lisha olgan bo‘lardingiz? O‘ylab
ko‘ring, bunday ma’lumotni yaqinlaringizga aytarmidingiz? Yoki do‘stlaringizga? Yoki bunday
ma’lumotni siz tanimagan insonlar bor jamoat joyida ham ayta olarmidingiz? Belgilab bo‘lgan
bo‘lsangiz, davom etamiz.
Ba’zi savol va ta’kidlar ularga umuman tegishli bo‘lmasligi mumkinligini ayting. Buni
faqat tasavvur qilib ko‘rishlarini iltimos qiling va shunday bo‘lganda kimga murojaat qilishlari
mumkinligini so‘rang.
–
O‘z vazningiz haqida kim bilan bo‘lishgan bo‘lardingiz?
–
O‘z muhabbatingiz haqida kimga ayta olgan bo‘lardingiz?
–
O‘z tanangizning yoqmaydigan qismi haqida kimga gapira olgan bo‘lardingiz?
–
Tanangizdagi og‘riqlar haqida kimga ayta olgan bo‘lardingiz?
–
Sizning OIV ga topshirgan testingiz ijobiy chiqqan bo‘lsachi?
Ishtirokchilar individual ravishda kvadratlarga belgilab boradilar.
Ishtirokchilarning bu mashq haqida fikrlarini so‘rang.
–
O‘zingiz uchun birorta yangilikka ega bo‘ldingizmi?
52
–
Biz reproduktiv salomatlik sohasida targ‘ibot ishlarini olib borar ekanmiz, bu mavzular
haqida ochiq muhokama qilish va fikrlashga o‘rganib qolamiz. Lekin ba’zi savollar ko‘pchilik
insonlar uchun juda shaxsiy ekanligi haqida yodimizdan ko‘tarilmasligi kerak.
Do'stlaringiz bilan baham: |