Yosh tengdoshlar

yosh
trenerlar uchun 
o‘quv-uslubiy qo‘llanma 
tayyorlandi. 
Mazkur qo‘llanma yoshlarning reproduktiv salomatligi to‘g‘risidagi keng doiradagi 
masalalariga yo‘naltirilib, ularni sog‘lom turmush tarzi asoslari hamda insonga hayot davomida 
zarur bo‘ladigan ijtimoiy ko‘nikmalar, ya’ni o‘zaro munosabatlarni shakllantirish, o‘z-o‘zini va 
hissiyotlarini tushunish, hayotda mustaqil qaror qabul qilish haqidagi axborotni o‘z ichiga olgan. 
Qo‘llanma tengdoshlar ta’limi dasturlari yosh o‘quvchi trenerlarning ruhiy 
xususiyatlarini, qiziqishlarini, his-tuyg‘ulari va boshqa talablarini hisobga olgan holda 
mashg‘ulotlarni olib borishlariga hamda o‘quvchilarning bilim saviyasiga, mohirligiga, 
ijodkorligiga, trenerlik mahoratini oshirishga keng imkon beradi. 
Odatda, tengdoshlar o‘z tengdoshlaridan xilma-xil axborotni yaxshiroq oladilar. 
Tengdoshlar ta’limiy dasturlari tengdosh trenerlarning o‘zlari uchun ham foydalidir. Tengdoshlar 
ta’limi dasturlarida ishtirok etib, ijobiy hayotiy ko‘nikmalarni, shu jumladan yetakchilik va 
muomala ko‘nikmalarini shakllantiradilar. 
Qo‘llanmada turli nazariy yondashuvlarga asoslangan tinglovchilarni o‘quv jarayoniga 
jalb etish texnikalari qo‘llanilgan, tuzuvchilar shu tariqa bo‘lajak tengdosh trenerlar ishonch bilan 
ish tutishlarini, o‘z tengdoshlari uchun ishonchli axborot manbai bo‘lib xizmat qilishlari uchun 
zarur ko‘nikmalarga ega bo‘lishlarini ta’minlaydi.
Yosh trenerlar uchun uslubiy qo‘llanmada treninglarni muloqot, guruhlarga birlashtirib 
o‘qitish, bahs-munozara, suhbat kabi ta’limning interfaol usullaridan keng foydalanilgan bo‘lib, 
ular har bir tinglovchining faol ishtirokini, ma’lumotlarni yengil o‘zlashtirilishini va uzoq 
vaqtgacha esda qolishini ta’minlaydi.
QO‘LLANMANING TUZILISHI 
Qo‘llanma to‘rtta asosiy bo‘limdan iborat.