Yosh gandbolchilarda jismoniy sifatlarni rivojlantirish metodikasi

Tо‘pni otishga о‘rgatish
Har xil usullar bilan tо‘pni darvozaga otishga о‘rgatish jarayonida shug‘ullanuvchilarni dastlab tо‘pning yо‘nalish trayektoriyasi va darvozani mо‘ljalga olish usullari bilan tanishtirish lozim. Darvozaga tо‘p otishning ayrim usullari о‘rganilayotganda birinchi navbatda, uning tuzilishi, sо‘ng harakatning mazmuni о‘zlashtiriladi va tо‘p otish masofasi asta –sekin uzaytiriladi. [10.11.]
Tо‘pni otishga о‘rgatish uchun otishga yondosh mashqlardan foydalanmoq kerak: tennis tо‘pi, rezinadan ishlangan yosh bolalar tо‘pi, hokkey tо‘pi har xil uzunlikdagi tayoqchalar, shuningdek, gantellar bilan tо‘p otishni “immitatsiya” qilish. Qо‘l mashqlarini mustaxkamlash uchun har xil vazn va shakldagi tо‘plarni bir va ikki qо‘llab uzatish. Gavda mushaklarini mustahkamlash uchun gimnastika о‘rindiqlarida о‘tirib har xil xolatlarda tо‘p uzatishlarni qо‘llash mumkin.
Tayanib tо‘p otish. Tayanib tо‘p otish harakatini о‘rgatishni uning asosiy bosqichi – tо‘pning tezlanishidan boshlamoq kerak. Tо‘pni yuqoridan tezlatish uchun siltash usuli о‘rgatiladi. Dastlabki holat – о‘ng oyoqda turib,chap oyoq oldinga qо‘yiladi, о‘ng qо‘l tо‘p bilan yuqorida, gavda sal burilgan. Chap oyoqni oldinga qо‘yib, devorga tо‘p otiladi. Dastlab diqqat harakatning ketma – ketligiga qaratilishi lozim.
Chap oyoq yerga qо‘yilganda, tо‘pning dastlabki holatda qolishi muximdir. Tо‘p otish avval vazifasiz amalga oshiriladi, sо‘ng aniq belgilangan mо‘ljalga tо‘p tekkizish vazifasi qо‘yiladi.
Yugurib kelib tо‘p otishni о‘rgatish uchun avval yugurib kelish usulida qadamlar ritmini о‘zlashtirmoq kerak. Bunday harakat о‘rgatuvchi bajarganini qaytarish usuli bilan о‘rganiladi.
Qadamlar ritmi о‘zlashtirilgandan sо‘ng, tezlanishda qadamlar orasidagi uzunlikni aniqlab olish zarur. Buning uchun eng qulay yо‘l qadamlar tushadigan joyni belgilab qо‘yishdir.
Tо‘p otish texnikasi о‘zlashtirilgandan sо‘ng, otishning tayyorlov bosqichi variantlariga kirishiladi:

1. 
   tо‘pni yerga urib kelgandan sо‘ng tezlanib tо‘p otish;
   
2. 
   tо‘pni ilib oldgandan sо‘ng otish;
   
3. 
   tо‘pni ilib 1,2,3 qadamdan sо‘ng otish;
   
4. 
   har xil tezlanishlardan sо‘ng tо‘p otish.
   

Shundan sо‘ng tо‘p otish sharoitlari murakkablashtirilib bajariladi. Gandbolchilarga u yoki bu usullarni tanlab tо‘p otish mashqlari beriladi:

1. 
   Darvozabon himoya qilgan darvozaga tо‘p otish.
   
2. 
   Sust va faol tо‘siq himoyachilarga qarshi tо‘p otish.
   
3. 
   Ikki о‘yinchi tо‘p uzatib kelgandan sо‘ng tо‘p otish.
   
4. 
   Belgilangan mо‘ljalga, darvozabonni aldab tо‘p otish.
   

5. О‘zlashtirilgan usullarni о‘yinda qо‘llash.