Yorqin xotiralar

“Ilk qadam”
Qadam deganda albatta hayolimizga birinchi bo‘lib keladigan so‘z onamizning qo‘llaridan ilk bor ushlab asta sekin qo‘rquv ila qadam tashlaganimiz yodga tushadi. Bu bizning hayotga tashlagan ilk qadamlarimiz hisoblanadi.
Yorqin xotiralar
Onam menga doimo bolaligimda kech yurishni boshlaganimni dangasa bo‘lgansanda deb doimo yuzlarida tabassum bilan eslab aytib beradilar. Ha, rostan ham bolaligimda dangasa bo‘lganim rostdir, biroq hozir meni tanigan insonlar meni dangasa deb hisoblashmasa kerak.
Maktab yoshiga yetdim…
Mana vaqt ham o‘tib bormoqda, biz ulg‘aymoqdamiz. Ilk bor maktab atalmish dargohga qadam bosar ekanman, yurakda qo‘rquv va shu bilan birga hayajon. Bilmadim, balkim bu qo‘quv va hayajonning sababi bu yerda hech kimni tanimaganimdandir. Lekin u kun hali hamon yodimda. Mana birinchi qo‘ng‘iroq ham chalindi va biz sinfxonamizga kirdik. Mening birinchi ustozim Shohida opa, yuzlarida kulgu bilan quchoq ochib bizni kutib oldilar. Bizning birinchi ustozimiz Shohida opa doimo bizni huddi birinchi kun qanday quvoch va mehr ila jutib olgan bo‘lsalar shunday iliqlik bilan kutib olardilar.
Biz ularga qancha ta’zim qilsak shuncha kam. Bizga bergan mehrlari, bilmlarini ta’riflashga til ojiz. Sinfdagi har bitta bola bilan ishlash, har bir o‘quvchiga boshidan oxirigacha ma’lumotlarni tushintirib berish mashaqqatli ish. Ustozimiz biz uchun kelajak poydevorini mustahkam qurish maqsadida tun-u kun tinmay izlanganlar. Meni shu darajada yetuk, barkamol avlod bo‘lib ulg‘ayishimda hamda hozirgi kunda o‘z kasbimning yetuk mutaxassisi bo‘lib yetishishimda Shohida opaning o‘rinlari yuqori.
“Yoshlikda olingan bilim, toshga o‘yilgan naqshdir” – bu maqolni Shohida opa juda ko‘p takrorlar edilar. Haqiqatdan, yoshlikda qancha o‘qib izlansa, kelajakda bizga bu bilimlar bizni doimo yuqori cho‘qqilarga olib chiqar ekan.
Har bir inson borki, birinchi muallimini doimo yodida saqlasa kerak.
Aziz ustozlar, dunyo turguncha turing. Sizning kasbingiz eng bebaho kasbdir.

She’r

Ilk qadam tashladim ilm dargohiga

Ko‘zlarim tushdi ko‘zlariga
Biz uchun berdilar barcha bilimni
Sizga ta’zim aylaymiz aziz ustozim!