Yo’nalishga kirish

 
240 
 
 
 
  foydali  qazilmani  metallurgik  yoki  kimyoviy  qayta  ishlash  arzonlashadi, 
ishlab  chiqarish  unumdorligi  ortadi,  chunki  bu  korxonalarga  tushayotgan 
mahsulot  tarkibidagi  qimmatbaho  komponentning  miqdori  ortishi  bilan 
yonilg'i, flyuslar, koks, elektrenergiya, kimyoviy reaktivlar va hokazolar sarfi 
kamayadi,  metallurgik  pechlar  va  kimyoviy  apparatlarning  ishlab  chiqarish 
unumdorligi  ortadi,  oxirgi  mahsulotning  sifati  yaxshilanadi,  qimmatbaho 
komponentning chiqindi tarkibida yo'qolishi kamayadi; 
  foydali qazilma kompleks ravishda ishlatiladi, chunki boyitish ular tarkibidagi 
barcha qimmatbaho komponentlami ham ajratishga imkon beradi; 
  transport  xarajatlari  kamayadi,  chunki  ko'pchilik  boyitish  fabrikalari  konga 
yaqin joyga quriladi va uzoq masofalarga qazib olingan rudaning butun hajmi 
emas, balki faqat boyitma tashiladi. 
Boyitma sifatiga qo'yiladigan talablar konditsiyalar deyiladi va ularni berilgan 
foydali qazilmaning xususiyatlari va boyitish imkoniyatlarini hisobga olgan holda 
belgilanadi. Boyitish texnikasining zamonaviy holatida erishish mumkin bo'lmagan 
konditsiyalarni o'rnatish mumkin emas. Qimmatbaho komponent miqdorining quyi 
chegarasiga  hamda  zararli  qo'shimchalar  miqdorining  yuqori  chegarasiga, 
shuningdek, boyitmaning yirikligi va namligiga ham konditsiyalar belgilanadi.