Yo‘l transformatorlari. Signal, rele va mahsus transformatorlar

6.10-rasm. OM transformatori tashqi ko‘rinishi (a) va sxemasi (b)

U temir yo‘l avtomatikasi qurilmalarining ta’minot punktlaridagi tashqi jixoz-lari uchun mo‘ljallangan.

OM turidagi transformatorlarning nominal quvvati 0,63 va 1,25 kV·A, ular ikki cho‘lg‘amlidir. Ikkilamchi cho‘lg‘ami seksiyalangan bo‘lib, beshta a1, a2, x1, x2, x3 chiqishlarga ega, ular yuqori voltli liniyadagi nominal kuchlanish -15% dan +5% gacha oralig‘ida o‘zgarib turganda xam, past tomonda nominal kuchlanishni olish imkoniyatini beradi. O‘zgaruvchan tok elektr tortqli temir yo‘l uchastkalaridagi signal jixozlarini va chiziqli iste’molchilarni ta’minlash uchun ikkita ЗНОМ-35-65 У1 turidagi transformatorli (zaminlanadigan kuchlanish transformatori, bir fazali, xavo va moyi tabiiy aylanishlili, iqlimiy ishlanishi – У, ya’ni mo‘tadil iqlim uchun; joylashish kategoriyasi –1, 6.11-rasm) komplekt transformator nimstansiyalar (KTP) qo‘llaniladi.

ЗНОМ-35-65 У1 transformatori uchta cho‘lg‘amga ega – bitta birlamchi va ikkita ikkilamchi – asosiy va qo‘shimcha. Birlamchi cho‘lg‘amning kuchlanishi 27,5 kV, asosiy ikkilamchida – 110 V, qo‘shimchasida esa – 127 V kuchlanish bo‘lib, chegaraviy quvvati 1000 V·A ga teng. Ikkilamchi cho‘l-g‘amlar ketma-ket ulanganda, ularning salt yurish kuchlanishi 227 V va quvvati esa 2 kV·A dir.