Yillarda O'zbekistonda muzey va muzey ishi

1941-1980-yillarda O'zbekistonda muzey va muzey ishi.

Reja. I.Kirish. II.Asosiy qism. 1.1941-1945-yillarda muzey ishi. 2.Urushdan keyingi davrda Muzeyshunoslik. 3.1970-1980-yillarda Muzey va Muzey ishi. III.Xulosa. IV.Foydalanilgan adabiyotlar.

1941-yil iyunda SSSR ning ikkinchi jaxon urushiga tortilishi bilan xalqning tinch va osoyishta hayoti buzildi. Mamlakat harbiy izga tushdi. Ilmiy — tadqiqot muassalari, shu jumladan, muzeylarning faoliyati ham tubdan oʻzgardi. Koʻpgina muzeylar oʻz binolarini evakuatsiya qilingan muassasalar uchun boʻshatib berdi.

Respublika muzeylar tarmogʻi vaqtincha qisqardi: birgana Oʻzbekiston tarixi, madaniyati va san’ati muzeyi nomi ostida San’at, Adabiyot va Oʻzbekiston tarixi; tabiat muzeyi bilan birga Politexnika muzeyi birlashdi; ateistik targʻibot muzeyi konservatsiya qilindi.Respublikaning koʻpgina muzeylari ekspozitsiyalari yigʻishtirilib, ilmiy tadqiqot faoliyati hamda shtatlar qisqartirildi.

Tarix muzeyidan 9 kishi, Samarqand muzeyidan 1 0 dan ortiq kishi frontga ketdi. Front orqasida qolgan muzey xodimlari Vatan oldidagi burchlarini sharaf bilan ado etdilar. Ular qisqa muddat ichida san’at va tarix boʻlimlari zallarida bir qator ekskursiyalar turkumini yaratib, qator koʻrgazmalar tashkil qildilar.

Front va uning orqasidagi xalqning qahramonona jasoratini koʻrsatish boʻyicha mehnatkashlar orasida katta ommaviy siyosiy ish olib bordilar. Shu bilan birga oʻtgan yillar davomida toʻplangan barcha muzey boyliklari ham saqlab qolindi.Tashkil etilgan ekspozitsiyalarda tarixiy namunalar vositasida xalqimizning erksevarligi, ularning mustaqillik uchun kurashi qayd etildi. Asosiy diqqat oʻtmishdagi qahramonlik namunalarining namoyishi va tashviqotiga qaratildi.

Koʻplab shaxarlar va sanoat korxonalari toʻlaligicha dushman qoʻli ostiga tushib qolayotgan edi. Shu boisdan ikkinchi jahon urushining dastlabki davridagi harbiy voqealarni yaxshi yoritib boʻlmas edi. Bu bir tomondan xalqning ruhini choʻktirsa, ikkinchi tomondan mamlakatning siyosiy tuzumi bunday xolislikka yoʻl qoʻymas edi. Frontlarda vaziyat oʻzgarishi bilan Armiyaning muvaffaqiyatli harakatlari, bosib olingan territoriyalarning ozod qilinishi kabi mavzular markaziy hamda respublika muzeylari ekspozitsiyalarida oʻzlarining munosib ifodalarini topdi.