Yer tuzish va yerdan foydalanish

Yer uchastkalarining kadastr raqamlarini hisobga olish
Yer uchastkalariga kadastr raqamlarini berish jarayonini tartibga solish va navbatdagi kadastr raqamlarini to‘g‘ri aniqlash maqsadida, berilgan kadastr raqamlari muntazam ravishda hisobga olib boriladi.

Yer uchastkalarining kadastr raqamlarini hisobga olish maxsus reestrda 5-ilovaga muvofiq ushbu ishlarni bajarish uchun belgilangan mas’ul xodim tomonidan amalga oshiriladi.

Yer uchastkalarining kadastr raqamlarini hisobga olish reestri har bir tumanda (shaharda) mavzelar bo‘yicha elektron yoki qog‘oz shaklida yuritiladi.

Reestrning boshida xududning, zonaning, massivning va mavzening kodi keltiriladi. Kadastr raqamlarini hisobga olish reestrida yer uchastkasidan foydalanuvchining nomi, yer uchastkasiga berilgan kadastr kodi, yer uchastkasining joylashgan joyi, uning maydoni, kadastr raqamining bekor qilinganligi to‘g‘risida ma’lumotlar aks ettiriladi.

Yer uchastkalarining kadastr raqamlarini hisobga olish reestri quyidagi tartibda to‘ldiriladi:

1-ustunda – tartib raqami;

13.

2-ustunda – yerdan foydalanuvchi yuridik shaxsning rasmiy qisqartirilgan nomi yoki jismoniy shaxsning familiyasi va to‘liq ismi-sharifi;

3-ustunda – yer uchastkasiga berilgan to‘rt razryadli o‘nli son kodi;

4-ustunda – yer uchastkasining joylashgan joyi (aholi punktlarinig, ko‘chalarning nomi, uy raqami, boshqa joylarda mahalla nomi);

5-ustunda – yer uchastkasining maydoni, gektarlarda;

6-ustunda – kadastr raqami bekor qilingan taqdirda “bekor qilindi” deb yoziladi va bunga asos bo‘lgan hujjat nomi va sanasi yoziladi.