Yer tuzish va yerdan foydalanish

Hududlarni kadastr bo‘yicha bo‘lish xaritalarini

tayyorlash tartibi
Tuman, shahar va shaharchalarning hududlarini kadastr bo‘yicha bo‘lish kartografik materiallarda (xaritalar, planlar yoki sxemalarda) amalga oshiriladi.

Tuman, shahar va shaharchalarning hududlarini kadastr bo‘yicha bo‘lish uchun har qanday qo‘lay masshtabda mavjud tuman qishloq xo‘jaligi xaritalari va topografik xaritalar asosida tuman, shahar va shaharchalarning maxsus xaritalari va planlari tayyorlanadi.

Shahar va shaharchalarning topografik xaritalari bo‘lmagan taqdirda, ularning maxsus sxemalari tayyorlanadi. Ushbu sxemalarda zonalarning, massivlarning va mavzelarning chegaralari o‘tadigan topografik elementlar (ko‘chalar, yo‘llar, kanallar, ariqlar, kollektorlar, zovurlar va h.q.) aniq tushirilgan bo‘lishi zarur.

Hududlarni kadastr bo‘yicha bo‘lish xaritalari, planlari, sxemalarining masshtabi har qanday mavjud yoki yangi tashkil bo‘ladigan yer uchastkasining qaysi mavze hududiga kirishini aniq belgilash imkonini yaratishi kerak.

Tuman va shaharlar hududining katta-kichikligiga qarab, zona yoki massiv bo‘yicha alohida xaritalar yoki planlar tayyorlanishi mumkin.

Hududlarni kadastr bo‘yicha bo‘lish xaritalarida, planlarida, sxemalarida zonalarning, massivlarning va mavzelarning chegaralari va kodlari alohida ranglarda ko‘rsatiladi.

Tuman hududini kartografik materiallarda zonalar, massivlar va mavzelarga bo‘lish misollari 1a, 1b va 1v idovalarida keltiriladi.

Shahar hududini kartografik materiallarda zonalar, massivlar va mavzelarga bo‘lish Namangan shahri misolida 4-ilovada keltirilmoqda.

Hududlarni kadastr bo‘yicha bo‘lish xaritalari, planlari, sxemalari ularni tuzuvchi mutaxassis hamda tuman (shahar) yer resurslari va davlat kadastri bo‘limi boshlig‘i tomonidan imzolanadi va tuman (shahar) hokimining qarori bilan tasdiqlanadi.