Yer tuzish va yerdan foydalanish

Mustaqil Hamdo‘stlik davlatlari.

Mustaqil hamdo‘stlik davlatlarida yuritiladigan yer kadastri bir – birlaridan farq qilmaydi. Uni yuritish tamoyillari, usul va uslubiyatlari deyarli bir xildir. Jumladan Rossiya Federatsiyasida yuritiladigan aholi punktlari yerlarining kadastri hududni, shuningdek yer bilan chambarchas bog‘lik bo‘lgan boshqa ko‘chmas mulk ob’ektlarini huquqiy, tabiiy hamda iqtisodiy holatlarini tavsiflaydigan zaruriy va aniq ma’lumotlar bankidan iborat. U yerdan foydalanuvchilarni ro‘yxatga olishni, yer hisobini, tuproq bonitirovkasini va yerlarni iqtisodiy baholashni ko‘zda tutadi. yer egaliklari va yerdan foydalanuvchilarni ro‘yxatga olish aholi punkti hududidagi yer turlarining miqdori, tarkibiy maydonlari to‘g‘risidagi ma’lumotlarni yoritilishini o‘z ichiga oladi. Shahar (tuman) davlat yer kadastri kitobida yerlarning maydonlari va sifati hisobga olib boriladi, ularning bahosi beriladi.

Yer munosabatlari sohasida davlat siyosatini hayotga tadbiq qilish RF da yer munosabatlarini davlat tomonidan muvofiqlashtirish va yer resurslarini boshqarish, qonunchilik, ya’ni davlat yer kadastri asosida amalga oshirilishi ta’minlaydigan yer to‘g‘risidagi zaruriy va xaqiqiy axborotlar, ko‘p maqsadli tizim asosida o‘tkazilmoqda. yer kadastrininrg asosiy tarkibiy elementlari bo‘lib yer va unga chambarchas bog‘lik bo‘lgan boshqa ko‘chmas mulklarni ro‘yxatga olish, yerlarni miqdoriy va sifat hisobi, ularni baholash hisoblanadi.

Rossiya Federatsiyasida davlat yer kadastr yer kadastri ma’lumotlaridan yerlardan foydalanishni rejalashtirish rejalashtirish va muhofaza qilishda, aholi punktlarini loyihalash va qurishda, yer berishda (shu jumladan, sotishda), yer ajratishda, yer uchun to‘lanadigan hak miqdorlarni aniqlashda (soliq, ijara haqi, me’yoriy va bozor hamda garov baholari miqdorlari), yer munozaralarini hal qilishda yerlardan foydalanish va ularni muhofaza qilishning davlat nazoratini amalga oshirishda qo‘llaniladi. Davlat yer kadastri bu yerda yer va u bilan uzviy bog‘lik bo‘lgan ko‘chmas mulk ob’ektlarining xuquqiy, tabiiy va xo‘jalik holatlari to‘g‘risida doimo yangilab turiladigan ma’lumotlar to‘plami sifatida qaraladi.

Rossiya Federatsiyasida ham davlat yer kadastrining avtomatlashtirilgan tizimi vujudga keltirilgan. U ikki qismdan iborat:

• 
  yerlarni va ularga bo‘lgan xuquqlarni ro‘yxatga olish;
  
• 
  davlat yer kadastrining boshqa bo‘linmalarini o‘ziga qamrab olgan axborotlardan iborat bo‘lgan ma’lumotlarning yer – axborotli banki 1996-yilning avgust oyida «Davlat yer kadastrini yuritishning avtomatlashtirilgan tizimini yaratish» maqsadli federal dasturi tasdiqlangan. U yerga bo‘lgan xuquqlarni himoyasini, yerga to‘lovlarni o‘z vaqtida tushishini ilg‘or yer va ko‘chmas mulk bozorini ta’minlashga yo‘naltirilgan davlatning axborotli tizimi sifatida RF hududida yer kadastrining avtomatlashtirilgan tizimni ishlab chiqish tadbiq qilish va bir maromda faoliyat ko‘rsatishini ko‘zda tutadi.
  

Tizimni tadbiq qilishni ikki bosqichda amalga oshirish ko‘zda tutilgan. Birinchi bosqichda me’yoriy – hududiy hujjatlarni ishlab chiqish va tasdiqlash, to‘la tizimni va alohida bo‘laklarining loyihalarini tayyorlash, yer fondini yo‘qlama qilish va xaritalash ko‘zda tutiladi. 1998-yildan boshlab yer kadastrining hisob-kitob va baholash qismlarini bir maromda bo‘lishini ta’minlaydigan barcha darajadagi yer – axborotli ma’lumotlar bankini yaratishining ikkinchi bosqichi boshlangan.

Ukraina, Belorusiya, Qozog‘iston Respublikasida va boshqa hamdo‘stlik davlatlarida davlat yer kadastrini tashkil etish va yuritish tamoyillari, usul va uslubiyatlari deyarli Rossiya Federatsiyasidagi bilan bir xildir.

6 - semestr