Yer osti boyliklari to‘G‘risida

47-modda. Yer qa’ridan foydalanish va uni muhofaza qilish, geologik o‘rganish hamda mineral resurslardan oqilona foydalanish ustidan davlat tekshiruvi va nazoratining vazifalari
Yer qa’ridan foydalanish va uni muhofaza qilish, geologik o‘rganish hamda mineral resurslardan oqilona foydalanish ustidan davlat tekshiruvi va nazorati vazifalari barcha yer osti boyliklaridan foydalanuvchilar yer osti boyliklaridan foydalanishning belgilangan tartibiga, yer osti boyliklaridan foydalanish hamda yer osti boyliklarini muhofaza qilish, yer qa’rini geologik o‘rganish sohasidagi qonun hujjatlari, qoidalar va normalarga, ishlarni xavf-xatarsiz olib borish, ishlarning aholiga, atrof tabiiy muhitga, binolar va inshootlarga zararli ta’sir etishining oldini olish hamda bunday ta’sirni bartaraf qilishga doir talablarga, shuningdek davlat hisobini yuritish va hisobdorlik qoidalariga rioya etishlarini ta’minlashdan iborat.
48-modda. Yer qa’ridan foydalanish va uni muhofaza qilish, geologik o‘rganish hamda mineral resurslardan oqilona foydalanish ustidan davlat tekshiruvi va nazoratini amalga oshiruvchi organlar
Yer qa’ridan foydalanish va uni muhofaza qilish, geologik o‘rganish hamda mineral resurslardan oqilona foydalanish ustidan davlat tekshiruvi va nazorati hokimiyat mahalliy organlari, shuningdek konchilik munosabatlari sohasida maxsus vakolat berilgan davlat boshqaruv organlari tomonidan qonun hujjatlarida nazarda tutilgan tartibda amalga oshiriladi.
49-modda. Yer qa’ridan foydalanish va uni muhofaza qilish ustidan tarmoq nazorati
Yer qa’ridan foydalanish va uni muhofaza qilish ustidan tarmoq nazorati yer osti boyliklaridan foydalanuvchilarning geologik, marksheyderlik yoki texnikaviy xizmatlari tomonidan amalga oshiriladi.
Geologik va marksheyderlik xizmatlari to‘g‘risidagi namunali nizomlarni Vazirlar Mahkamasi tasdiqlaydi.
X BO‘LIM. YER OSTI BOYLIKLARIDAN FOYDALANISh VA ULARNI MUHOFAZA QILISh MASALALARIGA DOIR NIZOLARNI KO‘RIB ChIQISh. YER OSTI BOYLIKLARI TO‘FRISIDAGI QONUN HUJJATLARINI BUZGANLIK UChUN JAVOBGARLIK