«Yengil sanoat va to`qimachilik» fakulteti «yengil sanoat texnologiyalari» kafedrasi

Konstruksiyalash va modellashtirish moduli (cad.assyst) Assyst dasturiy ta’minotining asosiy modullaridan biri bo‘lib, 2D tizimida kiyim dizaynini yaratish, digitayzer vositasida kiritilgan kiyim andozalari bilan ishlash, kiyim bazaviy konstruksiyasini qurish, modellashtirish va andozalarni ishlab chiqish protseduralarini amalga oshiradi. Modulning qulay interfeysi, ekranda barcha kerakli andozalarni joylashtirish va foydalanuvchiga kiyim konstruksiyalashning istalgan metodikasi bilan ishlash imkonini beradi.

Modulning asosiy imkoniyatlariga quyidagilar kiradi:

-detallar ekranda erkin holda istalgan miqdorda joylashadi;

-andozalarni qirqimlari bo`ylab uzunligini tekshirish mumkin;

-andozalarni avtomatlashtirilgan gradatsiyalash imkoniyati bor;

-modellashtirish vaqtida gradatsiya sxemasi saqlanadi;

-avtomatik ravishda andozalarga chok haqi qiymati beriladi;

-burchaklar, bukish chiziqlari, qirqimlarni avtomatik rasmiylashtirish mumkin.

Modulda konstruktsiya chizmasini qisqa vaqt oralig`ida qurish va bunda tayyor ma’lumotlar bazasidan foydalanish mumkin. Yangi bazaviy konstruktsiya ekranda grafik usulda hech qanday algoritmlarsiz yuqori aniqlikda quriladi, konstruktsiya qurish algoritmi dasturning ichki xotirasiga yozib boriladi. Bu esa, konstruktorga ekranda katta hajmli detallarni joylashtirish va masshtabni istalgan ko`rinishga o`zgartirishga imkon beradi.

Ekranning o`ng tomonida joylashgan funktsiyalar menyusi qulay ikonkalar ko`rinishida berilgan (1- rasm). Ish jarayonida foydalanuvchiga “qaynoq” klavishalar va yordamchi yo`l-yo`riqlar menyusi yordam beradi. Masalan, “M”- elementni o`lchash, «V» - vertikalni qurish, «K» - detaldan nusxa olish. “Sozlanish”lar paneli yordamida foydalanuvchi “qaynoq” klavishalarni o`ziga mos holda belgilab olishi mumkin.