«Yengil sanoat va to`qimachilik» fakulteti «yengil sanoat texnologiyalari» kafedrasi

Ko’rgazmali materiallar: AutoCAD muharrirlash uchun tavsiyalar. AK chizmasi qurish uchun uslubiy ko’rsatmalar.
Uslubiy ko’rsatmalar

Hozirgi kunda tizimning “AutoCAD 2016” versiyasi paketi ishlab chiqilgan. Ko`rsatilgan paket universal bo`lib, ham mashinasozlik va ham qurilish loyihalash ishlarini bajarishda yaxshi foydalaniladi. Paketning asosiy vazifasi- tekislikda avtomatlashtirilgan chizmachilik funktsiyalaridan foydalanib, keyinchalik ob’yektning uch o`lchamli (3D) fazoviy modelini yaratishdir.

Arxitektura loyihalash soxasida AutoCAD dasturining ikoniyatlarini kengaytirish maqsadida “Autodesk” kompaniyasi tomonidan AutoCAD Architectural Desktop dasturiy paketi ishlab chiqildi.

AutoCAD avtomatlashtirilgan loyihalash tizimi loyihalash jarayonini chizma grafikasi vositalari bilan ta’minlab beruvchi dasturlar to`plamini o`z ichiga oladi. AutoCAD tizimining yadrosi qudratli grafik redaktor bo`lib, loyiha jarayonini kuzatib turuvchi barcha zarur grafik va matnli axborotlarni kompyuter ekranida ko`rishga imkon beradi. Foydalanuvchi va tizim o`rtasidagi muloqot loyihalanayotgan ob’yektga tegishli turli rasm va chizmalarini yaratishda u yoki bu buyruqlardan foydalanish vaqtida amalga oshiriladi. Tizim grafik redaktordan tashqari qudratli hisoblash bloki va kengaytirilgan ma’lumotlar bazasiga ega, ular grafik redaktor bilan o`zaro integratsiyalashgan. Hisoblash natijalari, grafik chizmalarni qurishda masalan, qurilish konstruktsiyalarini va hajmli modellarni vizuallashtirishda grafik redaktor tomonidan avtomatik ravishda foydalaniladi.