Yengil sanoat

Elektromagniy nurlanishdan himoyalanish.Ekranlash elektromagnit maydonlaridan himoyalanish maqsadida qo’llaniladi. Bunday holatda qalinligi 0,5 mm bo’lgan listlar yoki 4x4 yacheykali setkalar ko’rinishdagi yuqori o’tkazuvchan xususiyatga ega bo’lgan materiallar (mis, alyuminiy, jez) ishlatiladi. Elektromagnit maydoni, metalli ekran yordamida uning ichida qattiq yo’nalgan maydon hosil qilish natijasida susayadi.

Tebranish va shovqindan himoyalanish. Tebranishdan himoyalashning effektiv usullaridan biri bu vibroizolyatsiyadir. Bunda ekran vazifasini amartizator bajaradi,u, mashina va uning asosi orasida joylashgan qayishqoq element ko’rinishda bo’ladi. Vibratsiya energiyasi amortizatsiya bilan yutiladi va shu bilan asosiga beriladigan vibratsiya kamayadi. Ekran ishchilarni to’g’ri shovqin ta’siridan himoya qilish maqsadida qo’llaniladi. Ekranda akustik effekti uning orqasida soya sohasining hosil bo’lishiga asoslangan bo’lib, u yerga shovqin to’lqinlari qisman o’tadi. Bu yerda shunday bog’liqlik mavjud bo’lib, qancha tovush to’lqinlari uzun bo’lsa, shuncha ekranning soya sohasining o’lchamlari kam bo’ladi. Bundan kelib chiqadiki, ekranlarni o’rta va yuqori chastotali shovqinlar uchun qo’llash maqsadga muvofiq. Past chastotalarda difraktsiya effekti hisobiga tovush ekrani aylanib o’tadi va aerodinamik soya hosil qilmaydi.