Яшариш ва янгиланиш байрами бўлмиш Наврўзи олам кўп миллатли Навоий вилоятида ҳам «Ассалом, Наврўз янгиланиш, меҳр-оқибат ва қадр-қиммат айёми!» ғояси билан умумхалқ сайиллари шаклида кенг нишонланди

Яшариш ва янгиланиш байрами бўлмиш Наврўзи олам кўп миллатли Навоий вилоятида ҳам «Ассалом, Наврўз — янгиланиш, меҳр-оқибат ва қадр-қиммат айёми!» ғояси билан умумхалқ сайиллари шаклида кенг нишонланди.

Шу билан бирга таъкидлаш жойизки, Президент қарорида Наврўз байрами муносабати билан «Темир дафтар», «Аёллар дафтари», «Ёшлар дафтари» ва «Меҳр дафтари»га киритилган ҳамда кўмакка муҳтож инсонларнинг ҳолидан хабар олиш, уларга беғараз ёрдам бериш билан боғлиқ хайрия тадбирларини амалга ошириш белгилангани боис, ушбу хайрли ишларни амалга оширишга алоҳида эътибор қаратилди.
Халқ депутатлари туман ва шаҳар кенгашлари қарорларига асосан, Ўзбекистон “Маҳалла” хайрия жамоат фонди Навоий вилоятининг туман ва шаҳар бўлинмалари ҳузуридаги “Саховат ва кўмак” жамғармаси ҳисобидан 640 та оилага жами 181 млн. сўмлик озиқ-овқат харид қилиниб эҳтиёжманд олилаларга тарқатилди. Хусусан, Навоий шаҳар “Саховат ва кўмак” жамғармасидан 200 та оилага жами 100 млн.сўмлик озиқ-овқат маҳсулотлари, Хатирчи туман “Саховат ва кўмак” жамғармасидан 100 та оилага 35 млн.сўмлик озиқ-овқат, Қизилтепа туман “Саховат ва кўмак” жамғармасидан 300 та ногиронлиги бор оилаларга 30 млн.сўмлик озиқ-овқат маҳсулотлари олиб берган. Ғозғон шаҳар бўлинмаси “Саховат ва кўмак” дан 40 та оилага жами 16 млн.сўмлик озиқ-овқат тарқалилган.

Зарафшон шаҳрида яшовчи 30 нафар ва Учқудуқ туманида яшовчи 21 нафар эҳтиёжманд фуқарога жами 69,8 млн.сўм моддий ёрдам пули “Саховат ва кўмак” жамғармаси ҳисобидан ажратилиб, уларнинг пластик картасига кўчириб берилди.