Yaqin Sharq Osiyoning gʻarbiy va jan gʻarbiy hamda Afrikaning shim,sharqiy qismidagi hududlarning nomi

Turkiya turizm sohasi bo’yicha uchinchi chorakda 37.6% ortishni qo’lga kiritdi.

Bu haqda Turkiya statistika tashkiloti joriy yilning iyul-sentyabr oyiga doir ma’lumotlarni e’lon qildi.

Ma’lumotga ko’ra, turizmdan tushgan daromad uchinchi chorakda o’tgan yilning ayni choragiga nisbatan 37.6% oshgan holda, 11 mlrd 391 mln 668 ming dollarni tashkil qildi.

Turizmdan tushgan daromadning 77%i xorijlik sayyohlardan, 23%i esa, xorijda istiqomat qilgan vatandoshlarning tashrifi natijasida qo’lga kiritildi.

Ushbu chorakdagi harajatlarning 8 mlrd 855 mln 369 ming dollarini shaxsiy harajatlar, 2 mlrd 536 mln 299 ming dollarini esa, sayohat uchun sarflangan harajatlarni tashkil qiladi.

Ziyoratchilarning kishi boshiga tushgan o’rtacha harajati 684 dollar, xorijlik sayyohlarning o’rtacha harajati 634 dollar, xorijda yashovchi vatandoshlarning o’rtacha harajati esa, 900 dollarni tashkil qiladi.

Turkiyadan jo’nab ketgan ziyoratchi soni ushbu chorakda 38.1% bo’lib, 16 mln 663 ming 265 nafarni tashkil qildi.

Bularning 82.6%ini xorijliklar tashkil qiladi, bu esa 13 mln 770 ming 308 kishi demakdir.

17.4%ini esa xorijda yashovchi vatandoshlar tashkil qiladi, bu esa 2 mln 892 ming 957 kishi demakdir.

Xorijga sayohat qilgan Turkiya fuqarolari soni o’tgan yilning ayni choragiga ko’ra, 12.5% oshgan holda, 2 mln 514 ming 317 kishini tashkil qildi.

Bularning kishi boshiga tushgan o’rtacha harajati 621 dollar atrofida.