«yangiyul poligraph service»

Harchand o‘qibsan — bilimdonsan,
Agar amal qilmading — nodonsan.
Bo‘lim yuzasidan savol va topshiriqlar:
1. Bo‘limdagi  asarlarni  o‘qib  buyuk  allomalarimizdan  kimlar-
ning  hayoti  bilan  tanishdingiz?
2. Vatanimiz  va  xalqimiz  tarixida  o‘chmas  iz  qoldirgan  yana 
kimlarni  bilasiz?
3. Donolik  bilan  nodonlik  bir-biridan  qanday  farqlanadi?
4. «Buyuk  allomalar  —  faxrimiz»  mavzusida  albom  tayyorlang. 
Unga  o‘qigan  asarlaringizdan  ibratli  parchalarni  yozing.
http://eduportal.uz

---

95
XALQ OG‘ZAKI IJODI
BOYCHECHAK
Boychechagim  boylandi,
Qozon  to‘la  ayrondir.
Ayroningdan  bermasang,
Qozon-tovog‘ing  vayrondir.
Qattiq  yerdan  qatalab  chiqqan  boychechak,
Yumshoq  yerdan  yumalab  chiqqan  boychechak.
Boychechakni  tutdilar,
Tut  yog‘ochga  osdilar.
Qilich  bilan  chopdilar,
Baxmal  bilan  yopdilar.
Qattiq  yerdan  qatalab  chiqqan  boychechak,
Yumshoq  yerdan  yumalab  chiqqan  boychechak. 
Boychechagim  boylandi,
Ko‘chama-ko‘cha  aylandi.
Boychechagim  ko‘k  somsa,
Cho‘ntaklarga  joylandi.
Qattiq  yerdan  qatalab  chiqqan  boychechak,
Yumshoq  yerdan  yumalab  chiqqan  boychechak.
1. She’rni  ifodali  o‘qing  va  yod  oling.
2. Boychechakning  «bahor  elchisi»  deb  atalishining  sa-
babini  izohlang.
DAVLAT
Qadim  zamonda  bir  dehqon  o‘tgan  ekan.  Davlat 
dehqonning  hovlisida  bir  necha  yil  yashabdi.  Uning 
sharofatidan  dehqonning  mol-u  davlati  juda  ko‘payib 
http://eduportal.uz

---

96
k
etibdi.  Dehqon  mollarining  son-sanog‘ini,  yerlarining 
tanobini,  oltinlarining  hisobini  bilmas  ekan.
Bir  kuni  Davlat  dehqonning  qoshiga  kelib:
—  Bobo,  dargohingizda  ko‘p  yillar  yurdim,  mening 
sharofatim  bilan  mol-u  davlatingiz  haddan  ziyoda 
bo‘ldi.  Endi  menga  xursandlik  bilan  javob  bersangiz, 
boshqa  birovnikiga  borsam,  —  debdi.
Dehqonning  aqli  shoshib,  hushi  boshidan  uchib-
di-yu:
—  Davlatjon,  to‘g‘ri  aytasan,  sendan  ko‘p  bahra-
mand  bo‘ldim,  beqiyos  boylik  orttirdim.  Minnatdorman 
sendan.  Lekin  mendan  nima  yomonlik  ko‘rdingki,  ke-
taman  deyapsan?  O‘tinib  so‘rayman  sendan,  ketma-
gin,  huzurimda  qolgin.  Sensiz  ahvolim  nima  bo‘ladi, 
zinhor  ketma!  —  deb  yalinibdi.
Davlat:
—  Bobo,  sizdan  yomonlik  ko‘rganim  yo‘q.  Sizniki-
da  ko‘p  turib  qoldim.  Boshqalarnikiga  ham  boray-da. 
Ijozat  bermasangiz  bo‘lmaydi!  —  debdi.
Dovdirab  qolgan  dehqon:
—  Davlatjon,  bir  kun  sabr  qil,  men  uydagilar  bi-
lan  maslahatlashib  olayin,  —  debdi.
Davlat  bir  kun  kutadigan  bo‘libdi.  Dehqon  xotini, 
ikkala  o‘g‘li,  kelinlari-yu  qizini  chaqirib,  yig‘lab  shun-
day  debdi:
—  Endi  holimiz  xarob  bo‘ladi.  Boshimizga  musibat 
tushdi.  Mol-u  dunyomizdan  birpasda  ayrilamiz.  Davlat 
biz dan  xafaga  o‘xshaydi.  Ketaman,  deb  oyoq  tirayap-
ti.  Yalinib-yolvorganimgayam  ko‘nmayapti.  Endi  nima 
qilamiz?
http://eduportal.uz

---

97
Hammalari  dehqonga  qo‘shilib  yig‘lashibdi.  Kichkina 
kelini  yig‘lamabdi  ham,  xafa  ham  bo‘lmabdi-da:
— 
Otajon, 
yig‘lamang, 
qarigan 
chog‘ingizda 
o‘zingiz ni  qiynamang.  Davlat  ketaman  degan  bo‘lsa, 
xushnudlik  bilan  javob  bering,  mayli  ketsin!  Buning 
uchun  g‘am  yemang,  —  debdi  qaynotasiga.
Kelinning  gapini  eshitib,  hamma  hayron  bo‘libdi.
—  Kelinposhsha,  nimaga  bundoq  deyapsiz?  Davlat 
ketsa,  nima  qilamiz?  —  debdi  dehqon.
—  Ota,  ilojimiz  qancha?  Davlat  ketsa,  ketaver-
sin.  Siz  oyim  bilan  duo  qilib  o‘tirasiz.  Biz  hammamiz 
mehnat  qilamiz.  Ekin  ekamiz,  mol  boqamiz,  meva 
teramiz,  ha yotimiz  yomon  bo‘lmaydi,  —  debdi  kelin. 
Kelinning  bu  gaplari  dehqonning  ko‘ngliga  taskin 
beribdi.
Ertalab  turib,  hovliga  chiqibdi.  Davlat  hali  ham  meh-
monxonaning  eshigi  yonida  dehqonni  kutib  turgan  ekan.
—  Assalomu  alaykum,  bobo!  Endi  menga  ruxsat 
berasizmi?  —  deb  so‘rabdi  u.
http://eduportal.uz

---

98
Dehqon  xo‘rsinib  qo‘yibdi-yu,  gap  boshlabdi:
—  Davlatjon,  hammamiz  maslahatlashib,  senga 
ruxsat  beradigan  bo‘ldik.  O‘g‘illarim,  qizim,  xotinim,  ke-
linlarim:  «Davlat  ketadigan  bo‘lsa,  mayli,  javob  bering, 
o‘zimiz  bir  yoqadan  bosh  chiqarib,  ahil  bo‘lib  mehnat 
qilamiz,  mol-u  davlat  bo‘lsa,  kelaveradi»,  dedilar.
Davlat  birpas  ma’yuslanib  turibdi-da,  so‘ng  kulib:
—  Bobo,  men  so‘zimni  qaytib  oldim,  hech  qayerga 
ketmayman,  shu  yerda  qolaman.  Men  xursand  bo‘lib, 
ahil  yashaydigan  xonadonni  yaxshi  ko‘raman.  Inoqlik 
qayerda  bo‘lsa,  men  ham  o‘sha  yerdaman!  —  debdi.
Shunday  qilib,  Davlat  dehqonning  xonadonida  umr-
bod  qolgan  ekan.
1. Dehqonning  oilasi  qanday  hayot  kechirar  edi?
2. Nima  uchun  Davlat  dehqonning  uyidan  ketishni 
xohlamadi?
XO‘P HAYDA
Xo‘p  hayda-yo,  xo‘p  hayda,
Qalqon  qulog‘im  hayda,
Temir  tuyog‘im  hayda,
Xirmonni  qilgin  mayda.
Ostingda  bosgan  donni,
Tuyog‘ing  qilsin  mayda.
Sen  po‘stidan  judo  qil,
Somoni  senga  foyda.
Chuv,  hey  jonivorim,  hayda,
Xirmonni  qilgin  mayda.
Ishni  tamom  qilmasang,
Joningga  tinim  qayda...
Chuv,  hey  jonivorim,  hayda,
Xirmonni  qilgin  mayda.
Donni yig‘ib olmasak,
Bizlarga  tinim  qayda.
1. «Xo‘p  hayda»  qo‘shig‘i  qaysi  paytda  aytilgan?
2. Xirmon  egasi  otini  qanday  so‘zlar  bilan  erkalatadi? 
Uning  erkalatishining  sababi  nimada?
http://eduportal.uz

---