Янгиер шаҳар 6-сон "ширинтой"номли мактабгача таълим муассасаси буйруғИ

ЯНГИЕР ШАҲАР 6-СОН “ШИРИНТОЙ”НОМЛИ МАКТАБГАЧА ТАЪЛИМ МУАССАСАСИ БУЙРУҒИ


Ўзбекистон Республикаси Давлат мустақиллигининг йигирма беш йиллик
байрамига тайёргарлик кўриш ва уни ўтказиш тўғрисида.

Мамлакатимиз тарихида янги саҳифа очган Ўзбекистонимиз Мустақиллигининг йигирма беш йиллигини муносиб кутиб олиш , ўтган давр мобайнида она-юртимиз, барча вилоят, шаҳар ва қишлоқларимизнинг қиёфаси тобора очилиб, гўзал бўлиб бораётгани, шу заминда яшаётган инсонларнинг кайфияти, бугунги ҳаётдан розилигини, эртанги кунга ишончини, барча соҳаларда хусусан таълим тизимида амалга оширилаётган кенг кўламли ишларимизнинг ва эришилган ютуқларимизнинг мазмун-моҳиятини, аҳамиятини тизим ходимлари, кенг педагогик жамоа ва тарбияланувчилар онгига етказиш , уларни янги марралар сари руҳлантириш , биз учун энг улуғ , энг азиз айём бўлган бу қутлуғ сана бўлмиш мустақиллик байрамини юксак даражада ўтказиш, вилоят Халқ таълими бошқармасининг 2016 йил 03.06 ги 143-сонли буйруғи Янгиер шаҳар ХТМФМТТЭБ нинг 2016 йил 11-июндаги 136-сонли буйруғининг ижросини таъминлаш мақсадида:

БУЮРАМАН

1. Вилоят Халқ таълими бошқармасининг 2016 йил 03.06 ги 143-сонли буйруғи ҳамда Янгиер шаҳар ҳокимлигининг 2016 йил “Ўзбекистон Республикаси давлат мустақиллигининг йигирма беш йиллик байрамига тайёргарлик кўриш ва уни ўтказиш тўғрисида” ги қарори ва Янгиер шаҳар ХТМФМТТЭБ нинг 2016 йил 11-июндаги 136-сонли буйруғи раҳбарлик ва ижро учун қабул қилинсин.

2. Ўзбекистон Республикаси давлат мустақиллигининг йигирма беш йиллик байрамига тайёргарлик кўриш ва уни юқори савияда ўтказиш бўйича ишчи гуруҳи таркиби 1-иловага, чора-тадбирлар режаси 2-иловага мувофиқ тасдиқлансин.
3. Муассасада жорий йилнинг август-сентябр ойлари давомида мазкур қарорнинг мазмун-моҳиятини, хусусан истиқлол йилларида бой тарихимиз, бебаҳо меросимиз, диний –диёнатиимз, кўҳна урф-одатларимиз ва қадриятларимизнинг қайта тикланганлиги, истиқлол даври Ватанимиз учун чинакам маънавий тикланиш ва юксалиш даври бўлганлиги, бугунги кунда меҳр-оқибат, бағрикенглик, ҳамжиҳатлик каби эзгу фазилатлар, миллий ва умумбашарий қадриятларга уйғун бўлиб яшаш ҳаётимиз қоидасига айланиб бораётганини ота-оналар ва ишчи-ходимлар ўртасида кенг тарғиб этиб борилсин.
4. . Муассасада жорий йилнинг август-сентябр ойлари давомида “Зумрадойлар давраси” , “Менинг Ватаним”, мавзусида расм чизиш бўйича кўрик-танловлар, “Мен, дадам ва ойим- оиламиз спортчи” , “Қувноқ стартлар”, “Соғломжон-полвонжон” спорт мусобақалари , “Гўзал ва бетакроримсан муқаддас Ватаним, жоним сенга фидо Ўзбекистоним !” шиори остида барча гуруҳларда байрам эрталиклари ўтказилсин.
5. “Гўзал ва бетакроримсан муқаддас Ватаним, жоним сенга фидо Ўзбекистоним !” шиорини баннери муассаса кираверишига илиб қўйилсин.
6. Ушбу буйруқнинг ижросини назоратини ўз зиммамда қолдираман.

6-сон МТМ мудираси : Н.А.Турдиқулова

Янгиер шаҳар

2016 йил 18-июлдаги
30-сонли
Янгиер шаҳар 6-сон МТМ нинг
2016 йил 18-июлдаги 30-сонли
буйруғига 1- илова

Ўзбекистон Республикаси давлат мустақиллигининг йигирма беш йиллик байрамига тайёргарлик кўриш ва уни юқори савияда ўтказиш бўйича ишчи гуруҳи таркиби

Н.Турдиқулова	Мудира, раис
М.Эгамназарова	Касба уюшма раиси, раис ўринбосари
С.Кучмуродова	Тарбиячи