Yangi telefon sotib oldingizmi? Eski qurilmangizdagi ma’lumotlarni yangisiga qanday qilib o‘tkazishni o‘ylab, bosh qotiryapsizmi? Siqilmang

Yangi telefon sotib oldingizmi? Eski qurilmangizdagi ma’lumotlarni yangisiga qanday qilib o‘tkazishni o‘ylab, bosh qotiryapsizmi? Siqilmang. Bugun biz eski telefondagi barcha sozlama va shaxsiy ma’lumotlarni yangi smartfonga qanday qilib o‘tkazish xususida gaplashamiz. Barcha dasturlar, ichki xotiradagi ma’lumotlar, qayd yozuvlari, sozlamalar, tarmoqlar, fon rasmlari, qo‘ng‘iroq ohanglari va boshqalar bilan birga! Bu usulni Android’ning istalgan versiyasida qo‘llay olasiz va u mutlaqo bepul. 

Dastlab Google Play’dan “Clone it” ilovasini yuklab oling. Ushbu dastur ikkala telefonda ham bo‘lishi kerak. Shuningdek, har ikkala qurilmada ham Google’ning bir xil hisob qaydnomasi bo‘lishi lozim. Buni telefonlardagi “Sozlamalar” – “Akkauntlar” – “Sinxronizatsiya” buyruqlar ketma-ketligiga kirish orqali aniqlash mumkin. Eng oxirida Google hisob qaydnomangiz haqidagi ma’lumotlar ko‘zga tashlanadi. Masalan: [e-mail].

Ikkala smartfonda ham “Sinxronizatsiya” buyrug‘idan keyin bir xil Google hisob qaydnomasi mavjudligiga ishonch hosil qilishingiz kerak. Ba’zida ushbu menyuga boradigan yo‘l farq qilishi mumkin.

Endi “Clone it” dasturini ishga tushiramiz va ilovaga barcha ma’lumotlarimizga kirish uchun ruxsat beramiz. Keling, endi tushunish oson bo‘lishi uchun yangi telefonni mijoz, eskisini esa donor deb ataymiz. Ikkala qurilmani ham quvvat manbayiga ulaymiz (ma’lumotlarning umumiy hajmiga qarab, uzatilish jarayoni 2,5 soatgacha davom etishi mumkin). So‘ng sozlamalarga kirib, “Ekranni o‘chirmang” rejimini yoqib qo‘ying. Donorning boshlang‘ich ekranidan biz “Yuboruvchi” buyrug‘ini, mijoz qurilmadan esa “Qabul qiluvchi” bo‘limini tanlaymiz. Shunda “Clone it” ilovasi sizdan qo‘shimcha harakatlarga ruxsat so‘raydi. Siz barcha so‘rovlarga rozi bo‘lasiz.

“Mijoz” “donor”ni ko‘rishi bilan, ikonka ustiga bosing va ulanishga rozi bo‘ling. Bundan tashqari, dastur ma’lumotlarni uzatishning 2 usulini taklif qiladi: toifalar bo‘yicha fayl ko‘rinishida yoki har bir toifadagi fayllardan faqat sizga kerak bo‘lganlarini o‘zingiz tanlab chiqasiz. Kategoriyalar quyidagicha: aloqalar, dasturlar, tizim sozlamalari, rasmlar, musiqa va video... Dastur, shuningdek, fayllarni bir telefondan ikkinchisiga to‘liq uzatishga qancha vaqt ketishini ham hisoblab, aytib beradi. Vaqt daqiqalar bilan ko‘rsatiladi. 

Ma’lumot uzatish paytida ekran o‘chib qolmasligi uchun biz ekran qulfini o‘chirib qo‘ydik va ikkala telefonni quvvat manbayiga uladik. Agar siz tasodifan smartfoningizdagi qulflash tugmasini bossangiz ham, jarayon to‘xtaydi. Ehtiyot bo‘ling! Endi siz “donor”ni chetga surib qo‘yib, keyingi barcha harakatlarni faqat “mijoz” orqali bajarishingiz mumkin