Янги солиқлар ва бошқа мажбурий тўловлар белгиланишини, имтиёзлар тўлиқ ёки қисман бекор қилинишини, солиқ солинадиган база оширилишини назарда тутувчи солиқ тўғрисидаги қонун ҳужжатлари улар расмий эълон қилинган пайтдан эътиборан камида уч ой

1. Yuridik shaxslar tushunchasi. Yuridik shaxslardan olinadigan foyda solig’i to’lovchilar va foyda solig’i ob‘ekti

2.Yuridik shaxslarning jami daromadlari tarkibi.

3.Yuridik shaxslardan olinadigan soliq stavkalari va soliq imtiyozlari

4. Soliq hisobotlarini taqdim etish va soliqni byudjetga to’lash muddatlari.

Tayanch iboralar:

Yuridik shaxslar, soliq ob‘ekti, soliq stavkasi, soliq solinadigan baza, xarajatlar tarkibi, soliq imtiyozlari, hisobot davri, to’lov muddati.

1.Yuridik shaxslar tushunchasi. Yuridik shaxslardan olinadigan foyda solig’i to’lovchilar va foyda solig’i ob‘ekti.

O’zbekiston Respublikasi soliq qonunchiligida soliq to’lovchilar ikki guruhga bo’linadi: yuridik shaxslar va jismoniy shaxslar. O’zbekiston Respublikasi Soliq kodeksida (16-modda) yuridik shaxs deb quyidagilar e’tirof etiladi:

- O’zbekiston Respublikasining qonun hujjatlariga muvofiq tashkil etilgan,o’z mulkida, xujalik yuritishida yoki operativ boshqaruvida alohida mol-mulkka ega bo’lgan hamda o’z majburiyatlari yuzasidan ushbu mol-mulk bilan javob beradigan,mustaqil balansiga yoki smetasiga ega bo’lgan,o’z nomidan mulkiy va shaxsiy nomulkiy huquqlarga ega bo’la oladigan hamda ularni amalgam oshira oladigan,majburiyatlarni bajara oladigan,sudda da’vogar va javobgar bo’la oladigan tashkilot;

- chet davlatning qonun hujjatlariga muvofiq tashkil etilgan chet el tashkiloti;

- O’zbekiston Respublikasining, chet davlatning qonun hujjatlariga yoki xalqaro shartnomaga muvofiq tashkil etilgan xalqaro tashkilotdir.

Yuridik shaxslardan olinadigan foyda solig’iga O’zbekiston Respublikasi Soliq kodeksining Maxsus qismining V bo’limi bag’ishlangan. Soliq kodeksining 126-moddasiga asosan, yuridik shaxslarning foyda solig’i to’lovchilari bo’lib, O’zbekiston Respublikasi rezidentlari hamda O’zbekiston Respublikasida faoliyatni doimiy muassasa orqali amalga oshirayotgan yoki hosil bo’lish manbai O’zbekiston Respublikasi hududida joylashgan daromadlarni oladigan O’zbekiston Respublikasi norezidentlaridir, ya’ni moliya yilida soliqqa tortiladigan foydaga ega bo’lgan yuridik shaxslar hisoblanadi.