Якуний назорат имтиҳонлари 26 майдан 15 июнгача қуйидаги фанлардан ўтказилади

Якуний назорат имтиҳонлари 26 майдан 15 июнгача қуйидаги фанлардан ўтказилади:
9-синфлар учун:
Она тили ва адабиётидан - ёзма (баён);
Таълим ўзбек тилида олиб бориладиган синфларда рус тилидан, таълим рус ва тожик тилларида олиб бориладиган синфларда ўзбек тилидан - оғзаки;
Математикадан - ёзма;
Тарихдан - оғзаки;
Жисмоний тарбиядан - амалий;
Ўқувчилар аризаси бўйича танланадиган фандан - оғзаки.
11-синфлар учун:
Она тили ва адабиётдан - ёзма (иншо);
Математикадан - ёзма;
Чет тилидан - оғзаки;
Тарихдан - оғзаки;
Ўқувчилар аризаси бўйича танланадиган фандан - оғзаки.
9-синфлар учун имтиҳонлар барча мактабларда жисмоний тарбия фанидан 2-7 май кунлари, она тили ва адабиёт фанидан 26 май, математика фанидан 30 май кунлари ўтказилади. Бошқа фанлар (ўзбек/рус тили, тарих, ўқувчилар аризаси бўйича танланган фан)дан имтиҳонлар санасини ҳар бир мактаб ўзлари шароитдан келиб чиқиб белгилайди.
11-синфлар учун имтиҳонлар барча мактабларда она тили ва адабиёт фанидан 27 май, математика фанидан 31 май кунлари ўтказилади. Бошқа фанлар (чет тили, тарих, ўқувчилар аризаси бўйича танланган фан)дан имтиҳонлар санасини ҳар бир мактаб ўзлари шароитдан келиб чиқиб белгилайди.
9-,11-синфларда ўқувчиларнинг ихтиёрий танловига кўра танлов фанлардан бири якуний танлов имтиҳони ўтказилишдан бир ой олдин ўқувчининг аризасига кўра танланади. Ҳозирдан ўқувчилардан қайси фанни танлашлари бўйича ариза олинглар!
Она тили ва адабиёт ҳамда математика фанларидан Республикадаги барча мактабларда имтиҳонлар албатта белгиланган кунлари (9-синфларда она тили ва адабиёти 26 май, математика 30 май, 11-синфларда она тили ва адабиёт 27 май, математика 31 май) ўтказилиши шарт!! Буни таъкидлаб ўтганим сабаби - ўтган ўқув йилида баъзи мактаблар ушбу фанлар бўйича имтиҳонларни бошқа кунларга қўйиб юборган ҳолатлари ҳам учради.
Мазкур буйруқ бўйича мактаб буйруғиниишлаб чиқинглар, ўқувчилар аризасига кўра танлов фанини аниқланглар, консультация ва имтиҳон жадвалларини тайёрлаб қўйинглар.