Yahudiylik. Faollashtirish uchun savol va topshiriqlar

Ijodiy faoliyat «XIX asrning ikkinchi yarmida Rossiya imperiyasi Markaziy Osiyoni bosib olishi yahudiy-larning Turkiston va Buxoro jamoalariga bo‘linib ketishiga olib keldi». Tarix fanidan olgan bilimlaringizga asoslanib, yahudiylarning Turkiston va Buxoro jamoalariga bo‘linib ketish sabablarini aniqlang.

XIX asrga kelib yahudiylar Markaziy Osiyoning Qarshi, Marv, Xatirchi, Shahrisabz, Kattaqo‘rg‘on, Karmana, Marg‘ilon, Dushanba shaharlarida bir mavzega jam bo‘lib umr kechirganlar.

1932-yilda Samarqandda yahudiylar teatri tashkil qilingan. 1940-yilgacha Markaziy Osiyoda yahudiylarning ivrit tilidagi maktablari, davriy va maxsus nashrlari mavjud bo‘lgan.

Sovetlar davrining keyingi yillarida yahudiy tilida o‘qitish va madaniy faoliyat yuritish to‘xtatilgan. Lekin yahudiylik yagona millatga xos din bo‘lganligi sababli, ular qayerda yashashmasin, biri ikkinchisidan qancha uzoqda bo‘lmasin, o‘z dini va muqaddas kitoblariga e’tiqod qilishni davom ettiraverganlar.

1991-yilda O‘zbekiston mustaqillikka erishgandan so‘ng barcha dinlar, shu jumladan, yahudiy diniga ham erkin e’tiqod qilish uchun keng sharoitlar yaratib berildi.

Mustahkamlash uchun savol va topshiriqlar.

1. 
   Bugungi kunda mamlakatimizda boshqa diniy konfessiyalar qatorida ro‘yxatdan o‘tgan «Yahudiylar jamoasi» faoliyat ko‘rsatadi. Ushbu jumlani diniy va milliy bag‘rikenglik tamoyili bilan bog‘lab tushuntiring.
   

2. 
   «1170-yilda birgina Samarqandda 30 ming yahudiy yashagan». Mazkur jumla asosida yurtimizdagi diniy bag‘rikenglik tamoyillari azaliy qadriyat ekanligi yuzasidan fikr bildiring.
   

3. Isroil davlati qachon tashkil topganligini va tashkil toppish shart-sharoitlarini aniqlang.

Yahudiylik marosimlari va oqimlari.