Yadro itqitish texnikasi Disk itqitish texnikasi Nayza itqitish texnikasi

Nayza (granata) uloqtirish texnikasi
Nayza (granata) uloqtirish yugurib borayotib, nayza (granata) ko‘targan qo‘lni cho‘zish va nayza (granata) uloqtirishdan iborat. Musobaqa qoidasiga binoan nayza (granata)ni uzoqlikdan yugurib kelib uloqtirishga ham yoki bir joyda turib nayza (granata)ni aylanib uloqtirishga ham ruxsat etiladi; uni faqat o‘ramdan (kanop o‘ralgan joydan) ushlash kerak. Nayzalar metalldan yoki yog‘ochdan bo‘lishi mumkin. YOg‘och nayzaning uchi metalldan tayyorlangan bo‘ladi. Ularning og‘irlik markazi o‘ramasida bo‘ladi. Uloqtirish uzunligi yugurib kelib nayza uloqtirilgan joydagi egri chiziqli to‘sinning ichki qirg‘og‘idan boshlab, to nayzaning uchi tushgan joygacha o‘lchanadi. Uloqtirish uzoqligi nayzaning dastlabki uchib chiqish tezligi va to‘g‘ri uchishiga (ya’ni uchib chiqish burchagi va holatiga) bog‘liqdir. Nayza (granata) uloqtirishda yugurib kelish shuning uchun kerakki, u oxirgi kuch berish boshlanishigacha uloqtiruvchi harakatining tezligini hosil qilib beradi. Eng yaxshi nayza (granata) uloqtiruvchilarning yugurib kelish uzunligi 27-30 metrgacha etadi va hatto undan ham ortiqroq bo‘ladi. Nayza (granata) uloqtiruvchi ayollarda esa yugurib kelish odatda qisqaroq bo‘ladi (23-26 m). YUgurib kelishning dastlabki, nayza (granata)ni uloqtirishning boshlanishigacha bo‘lgan qismi 15-17 metrdan iborat bo‘lib, bu masofa 10-12 qadamda bosib o‘tiladi. Ko‘pchilik eng kuchli nayza (granata) uloqtiruvchilar uloqtirish va tormozlanishni nayza (granata)ni uloqtirish (qo‘lni orqaga to‘g‘rilab, nayza (granata)ni mumkin qadar orqaga olib borish) 9 metrdan boshlab (ayollar), 12 metrgacha (erkaklar) bo‘lgan masofada bajaradilar.
YUgurib kelish natijasida hosil bo‘lgan gorizontal tezlik, nayza (granata)ni yugurmasdan uloqtirilgandagiga nisbatan 15-20 metr uzoqroq masofaga uloqtirishga imkon beradi. Bunday natijaga faqat yugurib kelish bilan oxirgi kuchlanishni to‘g‘ri qo‘shib olib borilgandagina erishish mumkin. Oxirgi kuch berishda yugurib kelish tezligidan qanchalik to‘liq foydalanilsa, nayza (granata)ning uchib chiqish tezligi shuncha yuqori bo‘ladi.
Keyingi yillarda yangi konstruksiya bo‘yicha tayyorlangan nayzalarning qo‘llanilishi jahondagi eng kuchli nayza uloqtiruvchilarning natijalari o‘sishida ma’lum darajada katta ahamiyat kasb etadi. Bunday nayzalar “planersimon” deb ataladi. CHunki to‘g‘ri chiqarib yuborilsa, bu nayzalar yaxshi pirpirashi va ko‘ta-ruvchi kuchning oshishi hisobiga uzoq vaqt uchadi. YAngi nayzaning qulayligi shunchalik zo‘r bo‘ldiki, hatto musobaqa qoidasiga, nayzalar konstruksiyasiga taalluqli yangi cheklanishlar kiritishga to‘g‘ri keldi.