Xulosa qilib aytganda, qatlam bir-biriga muvofiq joylashgan vaqtlarda ularning qalinligiga e’tibor berish kerak bo’ladi chunki ba’zi hollarda ularning qalinligi o’zgarishi kuzatiladi

XULOSA
Xulosa qilib aytganda, qatlam bir-biriga muvofiq joylashgan vaqtlarda ularning qalinligiga e’tibor berish kerak bo’ladi chunki ba’zi hollarda ularning qalinligi o’zgarishi kuzatiladi. Aksariyat qatlam qalinligining o’zgarishiga litologik o’zgarishlar sabab bo’lishi mumkin. Umuman olganda ba’zi qatlamlar qalinligi kamaysa, boshqalarniki ortadi va umumiy qalinlik ko’pincha o’zgarmaydi. Bunday o’zgaruvchan holat qumlardan iborat qatlamlarda kuzatilib, ularni aksariyat argillit, alevrolit va ba’zan gilllar bilan boyishi kuzatiladi va bunday hollarda korrelyatsiya murakkablashadi. Karbonat tog’ jinslarini korrelyatsiya qilish ham o’z murakkabliklariga ega, chunki ularda aksariyat bo’lg’usi o’zgarishlar ikkilamchi tabiatga ega. Qatlamlarning ketma-ketligini belgilashda reper qatlamlarni ajratish va belgilash katta ahamiyat kasb etadi. Reperlar o’zidan pastdagi va yuqoridagi qatlamlardan geofizik kg’rsatkichlarining yaqqolligi bilan farqlanadilar va konning hamma joylarida ko’zga tashlanib turadilar. Aksariyat gillardan tashkil topgan qatlamlar o’zlarining belgilari bilan reper vazifasini o’taydilar. SHunday reperlar vazifasini kesimda uchraydigan xemogen qatlamlar ham yaxshi bajaradi. Misol tariqasida Farg’ona vodiysining deyarlik hamma erlarida uchraydigan G’aznov gipslarini olish mumkin yoki Eron konlarining aksariyatida uchraydigan qalin osh tuzi qatlamlarini keltirish mumkin. To’la korrelyatsiya vaqtida qatlamlarning yotishida bir tekislikning qaytarilishini inobatga olish maqsadga muvofiqdir. Ma’lumki cho’kindi jinslar hosil bo’lish jarayonida dengizning bosib kelishi va uning qaytishi bilan bog’liq bo’lgan jarayonlar qatlamlarning bir tekisligini keltirib chiqaradi va ular ma’lum darajada qaytarilgan bg’ladi. Mufassal korrelyatsiyani aksariyat reperlarni belgilash va ularning chegarasini aniqlash bilan boshlanadi. Reperlarning soni o’rganilayotgan kesimning murakkabligiga bog’liq bg’ladi, o’z ahamiyatiga qarab reperlar I-darajali, II-darajali va h.k. bo’linadi.
21