Xudoyberdiyev eldor uktamjonovich

Tadqiqotning obyekti va manbalari. Ushbu tadqiqot ishining asosiy obyekti Erkin A'zam qalamiga mansub asarlardir. Bu o'rinda adibning “Shovqin”romani, “Javob”, “Bayramdan boshqa kunlar”, “Pakananing oshiq ko'ngli”, “Otoyining tug'ilgan yili”, “Guli guli”, “Qarzdor”qissalari, “Zabarjad”, “Suv yoqolab” kinoqissalari, “Jannat o'zi qaydadir”dramasi va “Navoiyni o'qigan bolalar”, “Stupka”, “Anoyining jaydari olmasi”, “Yozuvchi”, “Ta'ziya”kabi bir qancha hikoyalarini ta'kidlash joiz.
Tadqiqot ishini yaratishda nazariy ma'lumotlar Izzat Sultonning “Adabiyot nazariyasi”, Hotam Umurovning “Adabiyot nazariyasi”, Dilmuroda Quronovning “Adabiyotshunoslikka kirish” va boshqa birqancha darslik, qo'llanmalar hamda monografiyalardan olindi.
Bundan tashqari XX asrning 70-80-yillarda yetishib chiqqan ijodkorlar nasrining o'ziga xos xususiyatlarini tahlil qilishda adabiyotshunoslar Nuriddin Shukurov va Ilhom Hasanlarning “Izlanishlar fasli” maqolasi asos bo'ldi. Shu bilan birga taniqli munaqqid Rahimjon Otayevning “Dilrabo qo'shiqlar aytilaversin” (“Sharq yulduzi”jurnali, 1984-yil, 2-son), Abdug'ofur Rasulovning “Erkin A'zam ijodiga nazar” (“Sharq yulduzi” jurnalining 2010-yil 5-sonida e'lon qilingan), Nigora Ashurovaning “Ko'ngil tasviri” , Mashhura Sheraliyevaning “Nasrda lirizm va kinoya” hamda “Qahramon poeziyasi estetik anologiya sifatida” kabi maqolalaridan ilmiy manbalar sifatida foydalandik.
Tadqiqot ishining metodologiyasi va metodi. Milliy istiqlol mafkurasi hamda yurtboshimizning milliy mafkura va madaniyatga doir dasturiy ko'rsatmalari, gumanitar sohalar va umuman ilmiy tadqiqot ishlarining ustuvor yo'nalishlariga oid qarashlari ushbu magistrlik ishining metodologik asosini tashkil qiladi.
Mavzuni izchil va atroflicha yoritish maqsadida ilmiy bilishga asoslangan qiyosiy-tarixiy, qiyosiy-tipologik, ilmiy tavsif va sharh, tahlil va talqin, kuzatish metodlaridan foydalanildi. Adabiyotshunoslik sohasida fundamental tadqiqotlar yaratgan H.Umurov, N. Shukurov, A. Rasulov, I. Hasan, Sh Hasan, M. Boboxonov kabi olimlarning ilmiy ishlaridagi tadqiqot metodlaridan foydalandik.