Xorijiy tillar bilimdoni-2022

MUZRABOT TUMAN XALQ TA`LIMI BO`LIMI MUDIRINING
BUYRUG`I


Umumta`lim maktablari o`quvchilari o`rtasida “Xorijiy tillar bilimdoni-2022” tanlovini tashkil etish va o`tkazish tartibi to`g`risida

Tuman xalq ta`limi tizimini yanada rivojlantirish hamda zamonaviy bilim va ko`nikmalariga yosh avlodni tarbiyalashda o`quvchilarning tayyorgarlik darajasini oshirishga ko`maklashish, o`z ustida ishlash, muntazam tajribasini mustahkamlab borishiga doir talablarni yanada takomillashtirish, shuningdek, O`zbekiston Respublikasi Prezidentining “O`zbekiston Respublikasida xorijiy tillarni o`rganishni ommalashtirish faoliyatini sifat jihatdan yangi bosqichga olib chiqish chora-tadbirlari to`g`risida”gi 2021-yil 19- maydagi PQ-5117-son 2020-yil 6-noyabrdagi “Ta`lim- tarbiya tizimini yanada takomillashtirishga oid qo`shimcha chora-tadbirlar to`g`risida” gi PQ-4884-son qarorlari hamda 2021-yil 12-may kuni Chet tillarni o`qitish tizimini takomillashtirish chora-tadbirlari yuzasidan videoselektor yig`ilishi 23-bayonining 16.I- bandi ijrosini ta`minlash maqsadida buyuraman:

1 .Tumandagi umumta`lim muassasalari ilg`or, tashabbuskor va ijodkor o`quvchilarni aniqlash hamda ulardagi ijodiy qobiliyatlarni ro`yobga chiqishga ko`maklashish, qo`llab-quvvatlash va rag`batlantirish maqsadida joriy yilning 25-28-aprelgacha maktablarda 2022yil. 2-6- may kunlari hududiy (sektorlar kesimida) bosqichi, 2022 yil 15-may kuni tumandagi 31 -maktabda tuman bosqichi o`tishi belgilab qo`yilsin.
2. Tanlovni o`tkazish to`g`risidagi Nizom 1- ilovaga, tanlovni tashkil etish bo`yicha tuman tashkiliy qo`mitasi tarkibi 2- ilovaga., smeta xarajatlari 3- ilovaga, hududiy o`tkazish jadvali 4- ilovaga muvofiq tasdiqlansin.
3.Metodik xizmat bo`limiga:
- tanlovda ishtirok etadigan o`quvchilar uchun nazorat ishlarini tuzish va maxfiyligini ta`minlash:
- joriy yilning 2022 yil 15-may kuni tumandagi 2 -maktabda tashkil etiladigan tanlovni shaffof, adolatli va barcha xavfsizlik choralarini ko`rgan holda tashkil etish.
- tanlov natijalari yuzasidan rahbariyatga tahliliy ma’lumot kiritish vazifalari yuklatilsin.
4.Barcha ta’lim muassasalari rahbarlariga:
-2-11 sinf o`quvchilar o`rtasida tanlovni shaffof va adolatli o`tkazilib xorijiy (ingliz, nemis, fransuz) tillar fanlaridan eng yuqori ball to`plagan har bir sinfda 1-nafardan g`olibni tuman bosqichiga qatnashishini ta`minlash vazifalari yuklatilsin.
5.Tuman xalq ta`limi bo`limining Axborot kommunikatsiya tizimlarini joriy etish va ko`maklashish sho`ba rahbari (A. Qodirov) tanlov jarayonlarini ommaviy axborot vositalari hamda ijtimoiy tarmoqlarda keng yoritib borish vazifalari yuklatilsin.
6.Ijro intizomi va murojaatlar bilan ishlash sho`basi rahbari (M. Mo`minov) ushbu buyruqni bir kunlik muddatda barcha maktablarga yetkazilishini ta`minlasin.
7.Mazkur buyruq ijrosini nazorat qilish mudir o`rinbosari Sh.Umarov zimmasiga yuklatilsin.