Xorazm viloyati Urganch shahar 5-son
umumta’lim maktabining
boshlang’ich sinf o’qituvchisi
Sobirova Umidaning ona tilidan o`tkazgan musiqiy - kompozitsion dars ishlanmasi
16.03.2014. 3- “D” sinf
Ona tilidan noan`anaviy
musiqiy-kompozitsion dars
Mavzu : So`roq gap .
Maqsad : O`quvchilarga so`roq gap to`g`risida ma`lumotlar berish ;
Grammatik bilimlarini va til boyliklarini oshirish ;
Uslub : Suhbat.
Darsning turi : Interfaol (musiqaviy kompozitsion ) dars .
Darsning borishi :
Tashkiliy qism :
O`quvchilar bilan salomlashish , davomatni aniqlash , darsga tayyorlash ;
- O`quvchilar , hozir qaysi dars ?
- Keling, bugungi ona tili darsimizni bevosita musiqa darsi bilan bog`lab o`tkazamiz . Musiqa darsini sevasizmi ? Nima uchun ? Qo`shiq kuylash qoidalarini bilasizmi ?
- Keling ,bo`lmasa bugungi darsimizni o`qish darsidan o`rgangan Tursunboy Adashboyevning “Ona tilim “ to`g`risidagi she`rini qo`shiq qilib kuylaymiz .
Naqorot'>Buyuk Temur jahon bo`ylab ,
O`z dovrug`in slogan tilim.
Mir Alisher bobomlardan ,
Meros bo`lib qolgan tilim .
Naqorot
Ona tilim – onam tili , onajonim tili bu-
Ona Tilim-o`zbek tili- O`zbekiston tili bu !
Pauzada : ( Til haqidagi ma`lumotlar aytiladi )
O`zbekistonda davlat tili – o`zbek tili .
1989 yil 21- oktabrda o`zbek tiliga davlat tili maqomi berildi .
Bobur Mirzo she`rlaridan ,
Rang va qiyos olgan tilim.
Alla bo`lib jaranglagan ,
Ona tilim-jonu dilim .
Pauzada : Konstitutsiyamizning 4- moddasida o`zbek tiliga davlat tili maqomi berilganligi belgilab qo`yilgan .
Tilga ixtiyorsiz - Elga e`tiborsiz .
Bulbul chamanni bezar , til-insonni .
Naqorot
Ona tilim – onam tili , onajonim tili bu-
Ona Tilim-o`zbek tili- O`zbekiston tili bu !
b) Asosiy qism :
O`tilgan mavzular(nota va alteratsiya belgilarining orqasiga yashiringan) to`g`risida tezkor savol-javob qilgandan so`ng ,o`tilgan “Gap “ bo`limini “ Balli-bal-li “ qo`shig`i orqali umumlashtiramiz .
Gap nimadir aslida ,
U nimadan tuzilar ?
Maqsadiga ko`ra u ,
Necha turga bo`linar ?
Pauzada : guruhi bilan maslahatlashib olishadi .
Javob:
Fikr tugallanadi ,
Mazmunlar bog`lanadi.
So`zlardan tuziladi ,
3 turga bo`linadi .
Naqorot
Otangga balli , Onangga balli
Qanday turlari bordir ,
Bilsang sanab ber bir-bir .
Xabar , darak bildirsa ,
Qanday gap hosil bo`lur ?
Javob:
Darak , so`roq ,undov gap ,
Gapning turlari erur .
Gar xabarni bildirsa ,
Darak gap hosil bo`lar .
Naqorot
Ko`ylagingiz kim tikkan ?
Sochlaringiz tarar kim ?
Kim maktabga kuztar ?
Kim xatongiz tuzatar ?
Qaday mazmun bu gapda ?
Javob berin birgalikda .
Javob:
Savol erur bu gaplar ,
So`rash mazmun bildirar
Naqorot
-
Bugun biz sizlar bilan ana shu so`rash mazmunini bildirgan gap ya`ni “So`roq gap “ mavzusini o`tamiz
( Doskaga sana va mavzu yoziladi )
-
So`rash mazmunini bildirgan gaplar so`roq gap deyiladi . So`roq gapning oxiriga so`roq belgisi qo`yiladi . So`roq gaplar so`roq so`zlar , - mi, -chi qo`shimchalari va ohang orqali yasaladi .
Masalan : Kim darsga tayyor ?
Hozir qanday dars ?
Uyga vazifalar to`liq bjarildimi ?
Siz ham borasiz ?! va hakoza . O`quvchilar tomonidan gaplar tuziladi .
d ) Mustahkamlash
83-mashq talabiga muvofiq o`qitiladi .
-
Issiq yaxshimi , yo sovuq ?
-
O`z vaqtida sovuq soz ,
O`z o`rnida issiq yoz .
Odam issiqdan yayrar ,
Sovuqdan-chi - chiniqar . Po`lat Mo`min .(Shoir to`g`risida ma`lumot beriladi )
Mashq talabiga muvofiq issiq va sovuq so`zlari ishtirokida gaplar tuziladi . Eng chiroyli tuzilgan 2 ta gap tanlab olinib , doskada va daftarlarida husnixat qoidasiga binoan yoziladi . Yozuv jarayonida Sulton Jo`raning “Kimning xati chiroyli “ she`ri qo`shiq qilib ijro qilinadi .
Darak,so`roq,undov gaplarga oid qo`shiq birgalikda kuylanadi .
Osmon nega keng erur ?
Yulduz qayerdan chiqar ?
Ruchkani kim o`ylab topgan ?
Kim kitobni kashf qilgan ?
Naqorot
Har kuni dilimizda
Qaynar shunday savollar .
Lobar chiroyli yozdi .
O`lkamizga kuz keldi .
Quyosh saxiy nur sochdi .
G`iyos maktabga shoshdi .
Naqorot
Har kuni eshitamiz ,
Turli shunday javoblar .
Ozod yurt farzandiman!
Istiqlol dilbandiman !
Fazolarga uchaman ,
Oyni borib quchaman !
Naqorot
Har kuni shunday tuyg`u ,
Havas bilan yashaymiz .
E ) Muhokama
- Sizga bugungi dars yoqdimi ?
- Mavzuni o`zlashtirishda qiynalmadingizmi ?
- Bugungi darsdan nimalarni bilib oldingiz ?
- so`roq gap to`g`risida nimalarni bilib oldingiz ?
-Darsdan qanday xulosa chiqardingiz ?
J ) Yakunlash
Uyga vazifa : 84-mashq . “Yosh Muxbir” sifatida oila a`zolaringizdan bir kishidan intervyu oling .
Interyu davomida so`roq ,darak gaplardan foydalaning .
Do'stlaringiz bilan baham: |