Xorazm ma ’ mun akademiyasi axborotnomasi – /2020 Ўзбекистон республикаси фанлар

Мавзуга оид адабиётлар таҳлили
 
Туристик
-
рекреация
соҳасини мамлакатимизда ривожлантириш учун, аввало, унинг 
асоси бўлган рекреацион салоҳият заҳиралари ўрганиб чиқилиши, ҳудудлараро ва 
минтақалараро районлаштириш ҳамда мавжуд салоҳиятдан самарали фойдаланиш чора
-
тадбирлари ишлаб чиқилиши зарур. Ўзбекистон рекреацион туризм салоҳияти бўйича 
дунёдаги етакчи мамлакатлар қаторида туради. Туристик хизматлар бозорининг ушбу 
соҳасини ривожлантиришдаги биринчи вазифа –
ана шу ресурслардан самарали фойдаланиб, 
рекреацион туризм соҳасини жадал ривожлантириш учун бу йўналишнинг назарий 
асосларини яратиш талаб қилинади.
Рекреация сўзи лотин тилидан (recreation 
- 
тиклаш) олинган бўлиб, инсоннинг меҳнат 
жараёни давомида сарфлаган кучини дам олиш орқали тиклашини англатади. Мазкур сўз 
атамаси соҳанинг қатор тадқиқотчилари томонидан атама сифатида қўлланилганига қарамай, 
унинг мазмун
-
моҳиятига турлича ёндашувлар мавжуд. 
Россиялик олимлар A.M.
Ветитнев, Л.Б.
Журавлеваларнинг таъкидлашича, рекреация 
атамаси дастлаб АҚШда XIX асрнинг 90
-
йилларида меъёрланган иш куни, дам олиш 
кунлари ва таътилларнинг йўлга қўйилиши маъносида илмий адабиётларга киритилган ва 
саломатликни тиклаш, соғломлаштириш ҳамда ушбу фаолият олиб бориладиган макон 
мазмунини англатган [1].
В.А.
Квартальновнинг фикрича, рекреация бу –
инсоннинг жисмоний, интеллектуал ва 
эмоционал кучини кенгайтирилган тарзда қайта тиклаш жараёнидир. АҚШ миллий туризм 
сиёсати тадқиқотлар марказининг таърифига кўра эса, рекреация бу –
инсонларнинг бўш 
вақтидан персонал фойдаланиш жараёни ҳисобланади
[2]. 
А.
Мирзаевнинг тадқиқотларида рекреацион фаолиятни ташкил этиш ва бошқариш 
жараёнларини баҳолаш, ҳудудларнинг туристик
-
рекреация объектларига таъсир этувчи 
омиллар таҳлили, туристик
-
рекреация объектларини интеграл баҳолаш механизмини 
такомиллаштириш масалалари ўрганилган бўлса [5,6,7], Г.
Хонкелдиеванинг тадқиқотларида 
давлат
-
хусусий шерикчилик механизми асосидаги корпоратив бошқарув тизимларида 
бошқарув жараёнларини такомиллаштириш, инвестицион фаолиятни бошқаришнинг 
ташкилий
-
иқтисодий механизмлари тадқиқ этилган [8,9]. А.
Асрақулов томонидан эса 
омилли боғланишларнинг назарий ва амалий жиҳатлари ўрганилган [10, 11].
Юқоридагилардан кўринадики, рекреация хизматлари ҳажмига турли омиллар, 
хусусан, бошқарув омиллари ҳамда бошқарув жараёнларини рақамлаштириш таъсирининг 
омилли таҳлили хорижий
ва мамлакатимиз олимларининг тадқиқотларида етарли даражада 
ўз аксини топмаган.