Xodimlarga ularning mehnat vazifalarini bajarish bilan bog‘liq holda jarohatlanishi, kasb kasalliklariga chalinishi yoki salomatlikning boshqa XIL shikastlanishi tufayli etkazilgan zararni to‘lash to‘g‘risidagi arizani ko‘rib chiqish

Mehnat muhofazasi bo‘yicha vakilning asosiy maqsadi,
vazifalari va huquqlari

Mulkchilik shakli O‘zbekiston Respublikasining «Mehnatni muhofaza qilish to‘g‘risida»gi qonunining 23-moddasiga asosan mehnatni muhofaza qilishga doir qonunlar va boshqa me’yoriy hujjatlarga rioya etilishi yuzasidan jamoatchilik nazoratini olib borish maqsadida O‘zbekiston Respublikasi Mehnat vazirligi Kollegiyasi va O‘zbekiston kasaba uyushmalari Federatsiyasi Kengashi Rayosatining 1995 yil 14 dekabrdagi 8/3-60-sonli qarori bilan tasdiqlanib, 1995 yil 18 dekabrda O‘zbekiston Respublikasi Adliya vazirligida 196-raqam bilan ro‘yxatdan o‘tkazilgan «Mehnat muhofazasi bo‘yicha vakil haqida»gi Nizomga ko‘ra har bir korxonada mehnat muhofazasi bo‘yicha vakil saylanadi.

Vakillar saylovini o‘tkazish mas’uliyati ish beruvchi va korxona kasaba uyushmasi qo‘mitasiga yuklatiladi. Vakillar soni ishlab chiqarishdagi sharoitlarga, bo‘linma va uchastkalarda jamoatchilik nazoratini olib borish ehtiyojiga qarab aniqlanadi. Bu majburiyat albatta jamoa shartnomasida belgilanishi kerak.
Vakil xodimlarning qonuniy huquqlari va manfaatlarini himoya qilish bo‘yicha jamoatchilik nazoratini olib boradi, xodimlarga maslahatlar beradi va ish olib borishda xavfsizlik talablariga rioya qilinishi bo‘yicha xodimlarni ogohlantirib boradi.
Vakil quyidagi huquqlarga ega:
ish beruvchilar va bo‘linmalar rahbarlari tomonidan mehnatni muhofaza qilishga oid qonun va boshqa hujjatlar talablari bajarilishini nazorat qilish;
o‘zi mustaqil yoki nazorat idoralari xodimlari bilan birgalikda mehnat sharoitlari holatini tekshirish, bo‘linmalar rahbarlariga va ish beruvchiga mehnat muhofazasi qoida va me’yorlarining buzilishi holatlarini bartaraf qilish bo‘yicha takliflar berish;
xodimlarning maxsus kiyim, poyabzal va boshqa individual hamda jamoaviy himoya vositalari, yuvish va dezinfeksiyalash vositalari, sut yoki unga teng boshqa oziq-ovqat mahsulotlari, davolash-profilaktika oziq-ovqatlari bilan o‘z vaqtida ta’minlanishini tekshirish;
ishlab chiqarishdagi baxtsiz hodisalar va kasb kasalliklarini tekshirishda ishtirok etish;
korxona boshlig‘i va boshqa mansabdor shaxslardan ishlab chiqarishdagi barcha baxtsiz hodisalar to‘g‘risida axborot olish;
xodimlar hayoti va sog‘lig‘iga xavf borligi aniqlangan hollarda bo‘linmalar rahbarlariga va ish beruvchiga ishni to‘xtatish to‘g‘risida talab qo‘yish;
kasabaqo‘m topshirig‘iga binoan ishlab chiqarish ob’ektlari va vositalarini ishlatishga qabul qilish komissiyasi ishida, yangi texnika va jihozlarni sinovdan o‘tkazishda qatnashish;
xodim mehnat vazifalarini bajarish bilan bog‘liq holda jarohatlanganda tomonlarning aralash javobgarligini hal qilish uchun jabrlanuvchi manfaatini himoya qilgan holda, korxona ma’muriyatining aybi darajasi to‘g‘risida kasaba uyushmasi qo‘mitasiga taklif kiritish;
mehnat muhofazasi qoida va me’yorlarini buzgan yoki o‘zining xatti-harakati, loqaydligi bilan o‘ziga va boshqalarga xavf tug‘dirgan xodimlarni javobgarlikka tortish bo‘yicha ish beruvchiga va bo‘linma rahbariga murojaat qilish.