Xirurgik kasalliklar

2. Ozuqa aralashmalarining optimal tarkibini tanlash.
Enteral muhit 
doimiyligini inobatga olgan holda, qisman ishlov berilgan ozuqa moddalarini 
tanlash maqsadga muvofiq bo’lar edi. Shularni inobatga olib, o’tkir peritonitli 
bemorlarda EZOO uchun ovqat aralashmalariga qo’yiladigan talablar 
quyidagicha bo’ladi:

enteral muhit tarkibining doimiyligi, 

ingredientlarni oldindan gidrolizlangan bo’lishi, 

osmotik bosimning so’rilishga mos bo’lishi (300-500 mosm. atrofida), 

energetik qimmatining yuqori darajada bo’lishi. 
Ushbu talablarga, bugungi kunda ishlab chiqarilayotgan muvozanatlangan 
polielementli ozuqa moddalari misol bo’la oladi (121-rasm). 
121-rasm. EZOO uchun muvozanatlangan polielementli ozuqa moddalari. 
 

---

572 
3. EZOO ni texnik vositalari bilan ta’minlashda 
ozuqa moddalari-ni
ichakka etkazishda xizmat qiladigan: turli konstruktsiyadagi zondlar, 
rezervuarlar va rolikli nasoslar tushuniladi (122-rasm). 
122-rasm. EZOO uchun ishlatiladigan texnik vositalardan namunalar. 
 
4. Ozuqa moddalarini aralashmalarini etkazish usuli
bo’lib Sh.I. 
Karimov hammualliflari bilan 1985 yilda tavsiya etgan original konstruktsiyali 
ikki kanalli nazointestinal zond xizmat qiladi (123-rasm). 

---

573 
123-rasm. ID, IL va EEOO uchun ishlatiladigan zond tuzilishi.
1, 4 - aspiratsiya uchun xizmat qiluvchi yon teshiklari,
2 - aspiratsii uchun kanal,
3 - test sinama va EZOO o’tkazish uchun kanal, 
5 - ozuqani etkazuvchi teshik. 
5. Ichakning hazm qilish va so’rish qobiliyatini tiklanganligini aniqlash 
(test usuli). 
Ichakning hazm qilish va so’rish faoliyatini tiklanganligini 
aniqlashda test sinamasining natijalariga ko’ra baho beriladi.
Uning mohiyati quyidagicha: Operatsiyadan keyingi ilk davrning ikkinchi 
sutkasidan boshlab bemorda 1 soat mobaynida ichak suyuqligini nazointestinal 
zondning aspiratsion kanali orqali aktiv aspiratsiya o’tkaziladi. Shundan so’ng, 
zondning kichik kanali orqali 100 ml tuzli ozuqa aralashmasi tomchilab 
(minutiga 60 tomchi) kiritiladi va 30 daqiqa mobaynida ekspozitsiya qilinadi. 
So’ngra darajalangan idishga aktiv aspiratsiya qilinadi va olingan suyuqlik 
miqdor va sifat jihatidan tekshiriladi. Agarda tekshirish natijalari (miqdor va 
sifat tarkibi) kiritilgan ozuqa moddasining 55% dan ko’prog’ini tashkil qilsa, 
test sinamasi manfiy deb hisoblanib zond ID va IL uchun ishlashni davom 
ettiradi. Agarda aspiratsiya qilingan suyuqlik 55% dan kamni tashkil etsa, test 
sinamasi musbat topilib, zond EZOO tartibida ishlaydi. 

---

574