Xiii боб. Саноатда рақамли технологиялардан самарали фойдаланиш. “Саноат 0” концепцияси ўқув мақсади

Бу блокчейн иқтисодиёти учун қандай аҳамиятга эга. 
Эҳтимол, 
бундай платформа неъматлар яратиш янги тақсимланган моделлари сари йўл 
очиб беради. Эҳтимол, тўғридан-тўғри номарказлашган ҳамкорлик янги 
усуллари жамиятда юзага келган муаммоларни ҳал қилишга имкон беради. 
Эҳтимол, ишончсизлик инқирозини ва ҳатто, ҳозирги институтларда 
ноқонунийликни бартараф қилиш, пиар-қадамлар ўрнига сўзда эмас, ишда 
муваффақиятга эришиш ва жамият ҳаётида иштирок этишга имкон берадиган 
аҳоли қўлига реал ҳокимлик қилишни топширишга эришилади. 
Тизим барча манфаатдор шахслар мотивациясини мувозанатлаштиради. 
Биткоин ёки қийматни акс эттирадиган бошқа токен – нуфуз билан боғлиқ 
муносабатларнинг ажралмас қисмидир. Сатоси тизимда ишлайдиганларни 
мукофотлашни дастурий асослаб берди ва ҳамма унинг сақланиши ҳақида 
қайғуриши учун ҳокимлик қилишни токендан фойдаланувчиларнинг 
барчасига топширди. Блокчейн молиявий тамагочи, глобал тақсимланган 
саватлардаги тухумдир. 
Интернетнинг илк авлоди даврида ҳокимлик қилишни корпорацияларда 
мужассам этиши, уларнинг ҳажми, мураккаблиги ва шаффофсизлиги янги 
имкониятлар тақдим этган тармоқлардан номутаносиб равишда катта фойда 
олишга имкон берди. Йирик банклар ўз фаолияти билан молия тизимини 
шаффофлик чегарасига етказди, чунки “бу банкларда кўпчилик топ-
менежерлар ва қатор мутахассисларни рағбатлантириш тизими шундай ишлаб 
чиқилгандики, узоқни кўра билмайдиган ва ўта фарқли хулқ-атворга хизмат 
қиларди”. 
Жисмоний валюталардан фарқли равишда Биткоин саккизта ўнлик 
разрядгача улушга бўлиниши мумкин (яъни Биткоиндаги сумма вергулдан 
кейин саккизта белгигача эга бўлиши мумкин). Бу узоқ вақт давомида битта 
транзакция доирасида суммаларни бирлаштириш ва бўлишга имкон беради: 
суммадан маълум миқдор олиш ва бу суммадан молиялаштириладиган барча 
чиқувчи тўловлар ягона транзакция сифатида кўриб чиқилиши мумкин, бу эса 
транзакциялар сериясидан анча қулайдир. Хизматдан фойдаланишни ҳисобга 
олиш учун смарт-шартнома тузиб, автоматик равишда уни мунтазам вақт 
оралиқлари орқали кичик улушлар билан тўлаш мумкин.