Xayr, maktabim!!!! Maktab dargohiga ilk qadam qo`yib

Xayr, maktabim!!!!
Maktab dargohiga ilk qadam qo`yib,
Sevinchdan ko`zlarim porlaganida,
Onam kabi issiq mehri-la quchib,
Ustozim bag’riga chorlaganida,
Dilimda cheksiz baxt hissini tuyib
Senga oshiqaman, jonajon maktab.

Jajji qo`llarimdan tutib ohista,

Bilim ummoniga chorladi ustoz.
Yiqilsam, to`g’ri yo`l ko`rsatib doim
Boshimda quyoshdek porladi ustoz.
Alifni o`rgatgan ustozim suyib
Senga oshiqaman, jonajon maktab.

Maktabim rahbari – ustozim, onam,

Ta’limni tarbiyadan ajratmas also.
Odobni oltindan qimmat deb bildik,
Shuning-chun biz doim hammadan a’lo.
Jonkuyar, mehribon onamiz suyib
Senga oshiqaman, jonajon maktab.

Ilm-u ziyo ulashib tolmagan ustoz

Har so`zi, amali - ibrat daftari.
Siz-la bilim mash’alin tutib oldinda
Zafar-la bezangay yillar qatlari.
Zahmatkash ustozlar bilimidan qonib
Senga oshiqaman, jonajon maktab.

Mana o`n bir yillik dovondan oshib,

Qadrdon maskandan ketmoqdamiz biz.
Yurak to`la orzu, dilda hayajon,
Oppoq kabutardek uchmoqdamiz biz.
Partadosh qizlarni pinhona suyib
Seni sog’inamiz, jonajon maktab.

Qadringiz bilyapman so`nggi damlarda,

Ketyapman, ko`zimda qalqiydi jolam.
Ustozlarga izhorim aytolmay oshkor,
Qalbimda alanga olmoqda nolam.
Yo`laklarda yugurgan yoshligim eslab
Seni sog’inaman, jonajon maktab.
Bizdan ko`ngil to`lsin, bo`lmang xavotir,
Aziz ustozlarim – onajonlarim.
Ishonchingiz oqlaymiz intilib olg’a,
Qaddingiz g’oz etar shavkat-shonlarim.
Yuksak marralarni zabtimga olib
Senga oshiqaman, jonajon maktab.