Xavfsizlik qoidalari

Laboratoriyalarda ishlashda mehnatni muhofaza qilish qoidalari
1. Laboratoriyada ishlashda ozodalikka, tinchlikka, saranjomlikka hamda xafsizlik texnika qoidalariga rioya qiling.
Ishlayotganda shoshilish va xafsizlik texnikasi qoidalariga rioya qilmaslik tajribalarni qayta ishlashga hamda ko‘ngilsiz hodisalarga olib keladi.
Shuning uchun laboratoriyaga, ayniqsa tajribalar o‘tkazilayotganda, boshqa kishilarning kirishi man etiladi.
2. Laboratoriyada chekish, suv ichish va ovqatlanish yaramaydi.
3. Reaktivlarni, gazni va elektr energiyasini tejash lozim, tajribada ko‘rsatilgan reaktivlarni esa, ortig‘i bilan olish kerak emas. Yonib turgan gaz gorelkasini va elektr asboblarini nazoratsiz qoldirmang.
4. Tajriba tugagach, gaz gorelkasining jo‘mraklarini berkiting va elektr asboblarini o‘chiring.
5. Rakovinaga kislota, ishqor, o‘tga o‘ch suyuqliklar hamda o;ltingugurtli birikmalarni to‘kish yaramaydi. Keraksiz bunday suyuqliklarni maxsus idishlarga solish lozim.
6. Rakovinaga qog‘oz, qum va shunga o‘xshash boshqa narsalarni tashlamang.
7. Elektr asboblarni, gaz va vodoprovod jo‘mraklari, laboratoriya asboblari, analitik tarozilar va shunga o‘xshash boshqa asboblar buzilsa, tuzatishga urinmasdan, o‘qituvchiga aytish kerak.
8.O‘qituvchining ruxsatisiz apparatlarni, asboblarni va shunga o‘xshashlarni bir laboratoriyadan ikkinchi laboratoriyaga olib o‘tish kerak emas.
9. Tajribani o‘qituvchining ruxsati bilan boshlash mumkin Ish plani ish daftariga yozilgan va uni o‘qituvchi tekshirib qo‘l qo‘ygan bo‘lishi kerak. Rejada ko‘rsatilgan boshqa tajribalarni o‘tkazish kerak emas.
10. Har qanday tajribani boshlashdan oldin asboblarning to‘g‘ri to‘planganligini, rektivlar to‘g‘ri olinganligini tekshirib chiqish kerak.
11. Har bir tajribani bajarish texnikasini yaxshi tushunib olgach ish boshlash mumkin.
12. Og‘zi berk idishdagi moddalar tajriba ko‘rsatilgan bo‘lsagina qizdiriladi.
13. qizdirilgan ampulalarni pechdan olishdan avval ko‘zoynak taqib, pechning soviganligini aniqlash kerak. Ampulani maxsus mufta yordamida sekin olib sovigandan keyin mo‘rili shkaf ichida ehtiyotlik bilan ochish mumkin.
14. Ish o‘rnini toza tutish lozim. Keraksiz idishlar, reaktivlar va asboblar ish o‘rnida turmasin.
15. Laboratoriyada talabaning yolg‘iz o‘zi tajriba o‘tkazishi yaxshi emas.
16. Laboratoriyada talabalar xalatsiz ishlashi mumkin emas.
17. Laboratoriyadan chiqa turib, ish o‘rni tozaligini, gaz va vodoprovod jo‘mraklarining berkligini, elektr asboblari hamda lampochkalarining o‘chirilganini tekshiring.