Xato: 651: Modem yoki boshqa aloqa qurilmasi xato haqida xabar berdi

Meksikadagi Oy piramidasi ostida “narigi dunyo”ga yo‘l topildi

Meksikalik arxeologlar Teotiuakandagi Oy piramidasi ostida yerosti tunnelini topdi. U dafn marosimlari uchun foydalanilgan bo‘lishi mumkin. Bu haqda Mexico News Daily’ga tayanib, Tengrinews xabar bermoqda.

1980-yillardagi avvalgi qazish ishlarida olimlar bosh suyagi shakli o‘zgargan inson jasadi qoldiqlari, shuningdek, yashil toshdan turli artefaktlarni topgan. Shu sababdan bu kabi obyektlarni piramida ostidan ham topish mumkinligi taxmini yuzaga kelgan.

Arxeologlar piramidani elektrotomografiya yordamida skanerlab, sakkiz metr chuqurlikda yerosti kamerasiga olib boruvchi 15 metr uzunlikdagi tunnelni topdi. Labirintlar o‘lchami va avvalgi topilmalar bu joy ramziy ma’noga ega bo‘lganligidan dalolat beradi.

Olimlar fikricha, piramida ostida “narigi dunyo” ramzi joylashgan.

Oy piramidasi eramizning 200—450-yillari oralig‘ida barpo etilgan. Qurilma zinasi O‘liklar yo‘liga olib boradi, uning cho‘qqisida esa Oy xudosi sharafiga diniy marosimlar uchun foydalanilgan maydoncha joylashgan.

Microsoft Word fayllarida xavfli zaiflik aniqlandi

Cymulate kompaniyasi ekspertlari Microsoft Word hujjatlarida xavfli zaiflik mavjudligini aniqladi. Ulardagi videolarga qo‘yilgan havolalar osonlik bilan zararli dasturlarni o‘rnatishga olib kelishi mumkin. Bu haqda “Korrespondent.net” xabar berdi.

Buzg‘unchilar matnga videorolik qo‘yadi, shundan so‘ng video havolasini document.xml parametrlari yordamida o‘zgartiradi.

Shundan keyin Internet Explorer brauzeri orqali virusni diskka yuklaydi. Bunda kompyuter himoyasi bunday aralashuvga reaksiya bildirmaydi.

Microsoft kompaniyasi dasturchilari hozircha zaiflikni bartaraf qila olgani yo‘q. Shuning uchun ekspertlar foydalanuvchilarga matnli hujjatlar bilan ehtiyotkorlik asosida ishlashni maslahat bermoqda.