Xalqaro munosabatlar va ijtimoiy-siyosiy fanlar fakulteti jamoatchilik bilan aloqalar kafedrasi

XULOSA……………………………………………………………...……… 46-49
FOYDALANILGAN ADABIYOTLAR....………………………………..…50-53
ILOVALAR………………………………………………….……………………54

KIRISH
Bitiruv malakaviy ishi mavzusining dolzarbligi. Turizm iqtisodiy faoliyat sohasi sifatida bir qator xarakterli xususiyatlarga ega. Turizm inson, butun jamiyat manfaatlariga xizmat qiladi va iqtisodiy daromad manbai hisoblanadi. Turizm - bu iqtisodiyotning juda ko'p qirrali tarmog'i bo'lib, u ayrim mamlakatlarda daromadlarning asosiy tarkibiy qismlaridan biri bo'lib, ularning iqtisodiyoti va jahon hamkorligining rivojlanishiga ta'sir qiladi. Ko‘pgina mamlakatlarda turizm yalpi ichki mahsulotni shakllantirish, qo‘shimcha ish o‘rinlari yaratish va aholi bandligini ta’minlash, tashqi savdo balansini mustahkamlashda muhim rol o‘ynaydi. Turizm iqtisodiyotning transport va aloqa, qurilish, qishloq xo'jaligi, iste'mol tovarlari ishlab chiqarish va boshqalar kabi muhim tarmoqlariga katta ta'sir ko'rsatadi, ya'ni ijtimoiy-iqtisodiy taraqqiyotning o‘ziga xos katalizatori bo‘lib xizmat qiladi. Shu jihatdan bugungi kunda turizm qo‘shimcha ish o‘rinlari yaratishning asosiy omillaridan biriga aylanib, yo‘l va mehmonxona qurilishini jadal rivojlantirish, barcha turdagi avtotransport vositalari ishlab chiqarishni rag‘batlantirish, xalq hunarmandchiligi va mamlakatlar milliy madaniyatini saqlashga xizmat qilmoqda. Bugungi kunda barcha davlatlarda, jamiyatlarda va korxona va tashkilotlarda PR mavjud va oʻz oʻrniga ega. Turizm sanoatida PR faoliyatidagi muvaffaqqiyatli uslub va imkoniyatlarni qo’llash turizmni rivojlantirishda muhim ahamiyatga ega. Shu ma’noda PR va ommaviy axborot vositalari bilan aloqalardagi yangi yoʻnalishlarni izlash va oʻrganish , tahlil qilish yangi gʻoyalar va takliflar berish bitiruv malakaviy ishning dolzarbligini ta’minlaydi. OAV va jamoatchilikni tashkilot faoliyatiga oid dolzarb, ishonchli va uzluksiz axborotlar bilan ta’minlashda PR-texnologiyalarni asosiy qurol ekanligini his qilgan holda, ushbu ilmiy tadqiqotimiz orqali turizm tarmogʻida zamonaviy PR-texnologiyalarni nazariy va amaliy jihatdan keng tahlil etib, u haqidagi fikr-mulohazalarimizni ilmiy jamoatchilikka yetkazishga harakat qildik. PR sayyohlik tashkilotlari va turli kompaniyalarni targʻib qilishda muhim rol oʻynaydi. Turizm har yili turli tomonlardan odamlarga madaniyatni oʻrganish va yangi joyni koʻrish imkonini beradi, oʻz navbatida PR bunda muvaffaqiyatni belgilovchi asosiy omillardan biri hisoblanadi. Sayyohlik kompaniyasi va uning mahsulotlari PR yordamida odamlarga tanishtiriladi. Turizm industriyasi doimo rivojlanib bormoqda, yangi texnologiyalar va tendensiyalar paydo boʻlishda davom etmoqda. Jamoatchilik bilan aloqalar mutaxassislari mamlakatda turizmni samarali targʻib qilish va sayohatchilarning ehtiyojlarini qondirish uchun soʻnggi ishlanmalardan xabardor boʻlishlari juda muhimdir.