Xalqaro iqtisodiyot

 
4. Adabiyotlarni tanlash 
Bu bosqich kurs ishini yozishda muhim ahamiyatga egadir. Hozirgi kunda 
ham mahalliy, ham xorijiy mualliflarning xalqaro iqtisodiyot bo'yicha ko'plab 
yangi tadqiqot ishlari mavjud. Bunday sharoitda talabalar katta adabiyotlar 
oqimida harakat qilishlariga to’g’ri keladi. Talaba tanlangan mavzudagi eng 
qiziqarli manbalarni o’qituvchi yo’rdamida diqqat bilan tanlashi kerak. 
Adabiyotlarni qidirish kutubxonalarda, tegishli muassasalarning o’quv 
xonalarida va internet tarmog’i yordamida amalga oshirilishi mumkin. 
 
5. Kurs ishining rejasi 
Kurs ishi rejasini tuzish ilmiy ish mavzusining to'liq yoritilishi va kurs 
ishining asosiy qoidalarini aks ettirishi uchun katta ahamiyatga ega. Ish rejasi 
juda batafsil bayon qilinmasligi kerak, chunki bu holda matn semantik birliklarga 
bo'linib ketishi mumkin. Rejaga ko'plab muammolarni kiritish to’gri emas, 
chunki bu materialning yuzaki taqdimoti holatiga olib kelishi mumkin. Shu bilan 
birga, reja juda qisqa ham bo'lmasligi kerak, aks holda bu ishning mantiqi va 
mazmunini to’liq ochib bermasligi mumkin. 
 
6. Kurs ishining tavsiya etilgan tarkibi 
Kurs ishining tarkibiy qismlari ketma-ketligi sharti quyidagicha: 

Zarvaraq (titul varaqi) 

Mundarija 

---

6 

Kirish (so’z boshi) 

Asosiy qism 

Xulosa 

Foydalanilgan adabiyotlar ro’yhati 

Ilovalar 
Kirish qismida talaba kurs ishining maqsadini aniqlashi, shuningdek, 
ushbu mavzuning dolzarbligi va nazariy ahamiyatini aniqlashi, uni jahon 
iqtisodiyotida va O’zbekistonda ro'y berayotgan iqtisodiy jarayonlarga bog'lashi 
kerak. Ishnig ob’ekti va predmeti, mavzuning organilganlik darajasi haqida qisqa 
ma’lumotlar ham ishning kirish qismida keltiriladi. Ishning kirish qismi nazariy-
uslubiy asoslar va ishning tarkibi haqida qisqacha ma’lmotlar bilan yakunlanadi. 
Odatda kurs ishining kirish qismi 1,5-2 betni tashkil etadi. 
Kurs ishining asosiy qismi, o’z o’rnida, bir nechta boblar yoki bolimlarga 
bolingan holda o’rganiladi. Bunda mavzuni o’rganishga bo’lgan yondashuv juda 
muhimdir. Asosiy qismning birinchi, ikkinchi, uchinchi va boshqa bo'limlarida 
rejada ko'rsatilgan asosiy muammolarning tahlili keltiriladi. Oxirgi bo’limda, 
asosan nazariy ma’lumotlarning amaliy natijalari tahlili keltiriladi. Ishning 
bo’limlari aniq va qisqa nomlanishi kerak va ular matn mazmuniga mos kelishi 
zarur. Ular tanlangan mavzuning mohiyatini ochib beradi. Materiallar mantiqan, 
izchil ravishda taqdim etiladi. Jadvallar, grafiklar ma'lumotlari keyinchalik matn 
shaklida tahlil qilinadi. 
Kurs ishining xulosasi talabaning ushbu tadqiqot natijalari asosida erishgan 
asosiy xulosalarini o'z ichiga oladi. Ishning xulosa qismida talaba o’rganilgan 
muammolarni yechimi yuzasidan o’z fikrini keltiradi. Ishning xulosa qismini 
fikr-mulohazalar shaklida yozish maqsadga muvofiqdir.